Sunday, December 4, 2022

លឹម សុធាវី បដិសេធ​មិន​ទទួលយក​តំណែង​បន្ត​ពី សេង រដ្ឋា ដោយហេតុ​ផល​ថា​…

spot_img

​ភ្នំពេញ ៖ ក្រោយ Miss Grand Cambodia លំដាប់​លេខ​១​កញ្ញា សេង រដ្ឋា បានប្រកាស​លាលែង​ពី​ដំណែង​ក្រោយ​មាន​បញ្ហា​ជាមួយ​អ្នកដឹកនាំ​កម្មវិធី​លោក អ៉ិ​ន សុ​ភិន នោះ ស្រាប់តែ​បវរកញ្ញា​លំដាប់​រង​ទី​១​របស់​យើង​គឺ​កញ្ញា លឹម សុធាវី​ដែល​នឹងត្រូវ​បន្ត​តំណែង​ប្រកួត​លើ​ឆាក​អន្តរជាតិ​ជំនួស​កញ្ញា សេង រដ្ឋា បានប្រកាស​បដិសេធ​មិន​ទទួលយក​ដំណែង​នេះ​ដូចគ្នា​។​

​តាមរយៈ​គណនី​ហ្វេ​ស​បុក​ផ្ទាល់ខ្លួន​កញ្ញា លឹម សុធាវី បាន​បង្ហោះ​សារ​យ៉ាង​ដូច្នេះ​ថា «​នាង​ខ្ញុំ​សប្បាយ​ចិ​ត្ដ​នូវ​អ្វីដែល​ខ្ញុំ​មាន ហើយក៏​ពេញចិត្ដ​នូវ​អ្វីដែល​ខ្ញុំ​ខំ​ធ្វើ និង​លទ្ធផល​ដែល​ទទួលបាន ខ្ញុំ​មិន​ចង់បាន​អ្វី​លើសពីនេះ​ទៀត​ទេ ពិសេស​អ្វីដែល​មិនមែនជា​របស់ខ្លួន​។ នាង​ខ្ញុំ​នៅតែ​ជា miss grand cambodia 1st runner up Forever មិន​ប្រែប្រួល​ឡើយ ហើយក៏​មិន​ផ្លាស់ប្តូរ​ឡើយ​»​។​

​ទាក់ទង​ទៅ​និង​បញ្ហា​នេះ​ប្រសិនបើ​កញ្ញា លឹម សុធាវី ដែលជា​បវរកញ្ញា​លំដាប់​រង​ទី​១​របស់​យើង​មិន​ទទួល​ដំណែង​ពី​កញ្ញា សេង រដ្ឋា នោះ​ខាង​ស្ថាប័ន​អាច​និង​ពិចារណា ប្រគល់​ដំណែង​នេះ​ឱ្យទៅ​បវរកញ្ញា លីវ ជីវ​លី ដែលជា​លំដាប់​រង​ទី​២ Miss Grand Cambodia 2020-2021៕ រក្សា​សិទ្ធ​ដោយ​៖ កូ​លាប​ក្រហម​