ភ្នំពេញ៖ បុរសម្នាក់រួមដំណើរនិងនារីម្នាក់ទៀត បានបើករថយន្តក្នុងស្ថានភាពស្រវឹងក្នុងល្បឿនលឿន បានជ្រុលចង្កូតទៅបុកខឿនផ្លូវហើយហោះទៅបុកបង្គោលភ្លើងពេញទំហឹង បណ្ដាលឲ្យរថយន្តខ្ទេចមួយកំណាត់មុខ។ សំណាងល្អមិនមានអ្នករបួស។
ហេតុការណ៍នេះដែរបានកើតឡើងនៅវេលាម៉ោង១០និង២០នាទីយប់ ថ្ងៃសុក្រទី២៩ខែមករាឆ្នាំ២០២១
ស្ថិតតាមបណ្ដោយផ្លូវវេងស្រេង ចំណុចមុខផ្សារឯករាជ៣ ក្នុងសង្កាត់ស្ទឹងមានជ័យ៣ ខណ្ឌមានជ័យ រាជធានីភ្នំពេញ។
យោងតាមប្រភពព័ត៌មានពីប្រជាពលរដ្ឋនៅកន្លែងកើតហេតុ បានឲ្យដឹងថា មុនពេលកើតហេតុគេឃើញបុរសម្នាក់រួមនិងនារីម្នាក់ទៀត បានបើករថយន្តមួយគ្រឿងម៉ាកPRIUS ពណ៌ស ពាក់ផ្លាកលេខភ្នំពេញ2-BG 8872 ធ្វើដំណើរតាមបណ្តោយផ្លូវវេងស្រេង ក្នុងទិសដៅពីកើតទៅលិច បោះយ៉ាងលឿន ខណៈមកដល់ចំណុចកើតហេតុខាងលើ ក៏ បានជ្រុលទៅបុកខឿនផ្លូវរួចបន្តទៅបុកបង្គោលភ្លើងថ្មបន្តិច បណ្ដាលឲ្យរថយន្តខូចខាតយ៉ាងដំណំ។ ចំណែកតៃកុងរថយន្តនិងនាក់រួមដំណើរ នៅកន្លែងកើតហេតុមិនមានរងរបួសនោះទេ។
ក្រោយកើតសមត្ថកិច្ចជំនាញចុះមកវាស់វែង យករថយន្តបង្កខាងលើ ទៅរក្សាទុករង់ចាំដោះស្រាយតាមផ្លូវច្បាប់៕ រក្សាសិទ្ធិដោយ៖ សាមេត
