ខេត្តបន្ទាយមានជ័យ៖ ក្រោយសារណែនាំពីប្រមុខរាជរដ្ឋាភិបាលកម្ពុជា ដើម្បីពង្រឹងការត្រួតពិនិត្យនិងទប់ស្កាត់ ពលករចំណាកស្រុកខុសច្បាប់ ហើយកងកម្លាំងទាំងបីស្ថាប័ន កំពុងធ្វើការត្រួតពិនិត្យរថយន្តដឹកទំនិញថៃ ដែលចូលមកកម្ពុជានៅថ្ងៃទី១៦ ខែកុម្ភៈ ឆ្នាំ២០២១ តាមច្រកទ្វាអន្តរជាតិប៉ោយប៉ែតក្រុងប៉ោយប៉ែត។
ការចុះពិនិត្យដឹកនាំដោយ លោក ង៉ោ ម៉េងជ្រួន អភិបាលរងខេត្តបន្ទាយមានជ័យ និងជាងប្រធានក្រុមការងារ ក្រុងប៉ោយប៉ែត លោក ឧត្តមសេនីយ៍ទោ សេង ធារិន មេបញ្ជាការរង និងជានាយសេនាធិការយោធភូមិទី៥ បានមានការបញ្ជាក់ថា ដោយមានមានការណែនាំពីមេបញ្ជាការ កងទ័ពជើងគោក ដើម្បីពង្រឹងការងារត្រួតពិនិត្យនិងទប់ស្កាត់ ពលករចំណាកស្រុកខុសច្បាប់ តាមច្រកព្រំដែន។ លោកក៏បានបញ្ជាក់ថា ក្នុងការចុះត្រួតពិនិត្យនេះមានកងកម្លាំងទាំបីស្ថាប័ន មាន កម្លាំងយោធា កម្លាំងកងរាជអាវុធហត្ថ និកម្លាំងនគរបាល ធ្វើការត្រូតពិត្យរថយន្តថៃ ដឹកទំនិញ តាមច្រកទ្វាអន្តរជាតិប៉ោយប៉ែត ដែលជាការព្រួយបារម្ភ ខ្លាចមានការលួចលាក់ដឹកពលករឆ្លងដែនដោយខុសច្បាប់។
ក្នុងនោះ លោក ឧត្តមសេនីយ៍ទោ សេង ធារិន បានធ្វើការណែនាំដល់កម្លាំង ឈរជើងតាមបន្ទាត់ព្រំដែន ត្រូវពង្រឹងការត្រួតពិនិត្យ និងចេញល្បាតតាមបន្ទាត់ព្រំដែន ដើម្បីទប់ស្កាត់ពលករចំណាកស្រុកខុសច្បាប់ បង្ការ ទប់ស្កាត់Covid-19នេះ។
លោក ង៉ោ ម៉េងជ្រួន បានមានប្រសាសន៍ថា ការចុះពិនិត្យនៅច្រកទ្វារព្រំដែនអន្តរជាតិប៉ោយប៉ែត គឺធ្វើទៅតាកកិច្ចព្រមព្រៀងរវាងភាគីទាំងពីរ នាពេលកន្លងមក គឺធ្វើការត្រួតពិនិត្យកំដៅលើតៃកុងរថយន្ត និងធ្វើការពិនិត្យលើទ្រុងរថយន្ត ដែលបានដាក់ទំនិញ ដើម្បីការពារក្រែងមានការលួចបង្កប់ពលករឆ្លងដែនខុសច្បាប់ ជាការការពារនៃការឆ្លងរីករាលដាលនៃជំងឺកូវីដ១៩ផងដែរ៕
រក្សាសិទ្ធិដោយ៖ ថន
