ភ្នំពេញ៖ឯកឧត្តម កុយ គួង អ្នកនាំពាក្យក្រសួងការបរទេសបានថ្លែងប្រាប់អ្នកសារព័ត៌មានក្រោយជំនួបថាឯកឧត្តម ឧបនាយករដ្ឋមន្ត្រីបានស្វាគមន៍ចំពោះលោកជំទាវឯកអគ្គរដ្ឋទូតហ្វីលីពីនដែលត្រូវបានតែងតាំងជាឯកអគ្គរដ្ឋទូតហ្វីលីពីនប្រចាំនៅព្រះរាជាណាចក្រកម្ពុជា។
ទំហំពាណិជ្ជកម្មធ្លាក់ចុះនេះត្រូវបានលើគលើងក្នុងជំនួបរវាងឯកឧត្តម ប្រាក់ សុខុន ឧបនាយករដ្ឋមន្ត្រី រដ្ឋមន្ត្រីការបរទេស និងសហប្រតិបត្តិការអន្តរជាតិ បានទទួលលោកជំទាវ Maria Amelita C. Aquino ឯកអគ្គរដ្ឋទូតនៃសាធារណរដ្ឋហ្វីលីពីនប្រចាំព្រះរាជាណាចក្រកម្ពុជា ចូលជួបសំដែងការគួរសម នៅទីស្តីការក្រសួងនៅព្រឹកថ្ងៃទី២៣ ខែកុម្ភៈ ឆ្នាំ២០២១ ។
លោកជំទាវ Maria Amelita C. Aquino ឯកអគ្គរដ្ឋទូតនៃសាធារណរដ្ឋហ្វីលីពីនបានលើកឡើងថាលោកជំទាវនឹងខិតខំបំពេញការងារឲ្យបានកាន់តែប្រសើរថែមទៀត។លោកជំទាវបញ្ជាក់ថាក្រៅពីវិស័យការទូតនឹងខិតខំធ្វើយ៉ាងឲ្យវិស័យការពារជាតិ វិស័យពាណិជ្ជកម្ម វិស័យអប់រំ វិស័យផ្សេងៗទៀត។
ក្នុងជំនួបនោះដែរភាគីទាំងពីរបានបង្ហាញពីការខិតខំធ្វើយ៉ាងជំរុញដល់អ្នកវិនិយោគលើវិស័យកសិកម្មជាពិសេសេស្រូវអង្ករ។ការខិតខំធ្វើយ៉ាងក្នុងការជៀសវាងយកពន្ធត្រួតគ្នា តាមរយៈកិច្ចព្រមព្រៀងនៃប្រទេសទាំងពីរកម្ពុជា.ហ្វីលីពីនធ្វើយ៉ាងណាឲ្យបានឆាប់។ហើយភាគីទាំងពីរក៍បានគិតពីវិស័យទេសចរណ៍និងវិស័យដទៃទៀតផងដែរ
ឯកឧត្តម កុយ គួង បានបញ្ជាក់ថាទំហំពាណិជ្ជកម្មរវាងកម្ពុជានិងហ្វីលីពីនឆ្នាំ២០១៨និមានប្រមាណ៦០លានដុល្លារអាមេរិកនិងឆ្នាំ២០១៩ទំហំពាណិជ្ជកម្មនេះបានកើនឡើងដល់ប្រមា្ហណ១០០លានដុល្លារ)។ហើយទំហំពាណិជ្ជកម្មនេះនៅមិនច្រើននោះទេ ខណៈពេលនេះបានធ្លាក់ចុះមួយចំនួនដោយសារតែកូវីដ១៩។
ឯកឧត្តមបន្តថាក្រៅពីទំហំពាណិជ្ជកម្មធ្លាក់ចុះនៅមានចំនួនការវិនិយោគរបស់អ្នកអ្នកវិនិយោគហ្វីលីពីនមកកម្មកម្ពុជាក៍មានការធ្លាក់ចុះដែរ។ក្នុងនោះមានក្រុមហ៊ុនហ្វីលីពីនមកវិនិយោគនៅកម្ពុជាមានប្រមាណ១០លានដុល្លារអាមេរិកប៉ុណ្ណោះគិតចាប់ពីឆ្នាំ១៩៩៤មកដល់ឆ្នាំ២០២០។
លោកជំទាវសន្យាថានឹងខិតខំបន្ថែមទៀតដើម្បីឲ្យទំហំពាណិជ្ជកម្មនេះមានការកើនឡើងក្នុងពេលលោកជំទាវចូលកាន់ដំណែងជាឯកអគ្គរដ្ឋទូតប្រចាំនៅកម្ពុជា។លោកជំទាវក៍បានសសើរដល់កម្ពុជាដែលបានគ្រប់គ្រងកូវីដ១៩បានល្អនិងបានជួយធ្វើមាតុភូមិនិវត្តន៍ពលរដ្ឋហ្វីលីពីន។
ឯកឧត្តម ឧបនាយករដ្ឋមន្ត្រីប្រាក់ សុខុនបានថ្លែងតបទៅនឹងលោកជំទាវដោយុបានបញ្ជាក់ថារដ្ឋាភិបាលហ្វីលីពីននឹងផ្តល់អាហារូបករណ៍ដល់និស្សិតកម្ពុជាបន្ថែមទៀតបន្ទាប់ពីហ្វីលីពីនបានផ្តល់អាហារូបករណ៍ដល់កម្ពុជា៕ រក្សាសិទ្ធិដោយ៖CEN
