ខេត្តកណ្តាល ៖ ការបញ្ចេញស្បៀងមិនធ្លាប់មានពីមុនដូចនេះ បន្ទាប់ពីព្រឹត្តិការណ៍សហគមន៍២០កុម្ភៈខេត្តកណ្តាលមានអ្នកជាប់ទាក់ទងរហូតជាង៧០០នាក់អភិបាលខេត្តចេញបទបញ្ជារដល់ក្រុង-ស្រុក បន្តស្វែងរកអ្នកពាក់ព័ន្ធនិងស្នើរឱ្យអ្នកពាក់ព័ន្ធចូលមកធ្វើចត្តាឡីស័កដោយស្ម័គ្រចិត្ត។
លោកគង់ សោភ័ណ្ឌ អភិបាលខេតត្តបញ្ជាកថាអំណោយទាំងអស់
ដែលត្រូវបានផ្តល់ជូនក្រុង-ស្រុក ទាំង១១ សម្រាប់ចែកជូនដល់ប្រជាពលរដ្ឋដែលមានជីវភាពខ្វះខាតនិងរងផលប៉ះពាល់ ក្នុងព្រឹត្តិការណ៍២១ កុម្ភៈ កាលពីថ្ងៃទី២៣ កុម្ភៈ ២០២១នេះ រួមមានអង្ករចំនួន៣៧ តោន ត្រីខ ២៥០យួរ មី ៤០០ កេស ទឹកស៊ីអ៊ីវ ៤៧០ យួរ និងភួយចំនួន ៤៧០ ។
លោកបានបន្តថា បើទោះជាគ្រឿងឧបភោគបរិភោគ និងសំភារៈប្រើប្រាស់ទាំងអស់នេះ វាមិនអាចជួយបានទាំងស្រុងដល់ប្រជាពលរដ្ឋ ដែលមានជីវភាពខ្វះខាត ក្រ១ ក្រ២ តែអាចជួយសម្រួល និងកាត់បន្ថយបានមួយរយៈពេល ហើយការជួយឧបត្ថម្ភទាំងនេះ មិនត្រឹមតែមានតែលើកនេះទេ និងនៅមានបន្តតាមដំណាក់កាលដំណាក់កាលផងដែរ។
លោកអភិបាលខេត្តក៏បានដាក់បទបញ្ជារ អភិបាលក្រុង-ស្រុកទាំង១១ ត្រូវតែបន្តស្វែងរកអ្នកដែលពាក់ព័ន្ធ ដោយផ្ទាល់ និងប្រយោល ក្នុងព្រឹត្តិការណ៍សហគមន៍ ២០ កុម្ភៈ ដើ ម្បីអញ្ជើញពួកគាត់មកធ្វើចត្តាឡីស័ក ឱ្យបានត្រឹមត្រូវតាមក្រសួងសុខាភិបាល។
លោកអភិបាលខេតត្ក៏បានសំណូមពរដល់បងប្អូនប្រជាពលរដ្ឋទាំងអស់ ដែលបានដឹងខ្លួនថា បានប៉ះពាល់ដល់ផ្ទាល់ ឬប្រយោល សូមចូលខ្លួនមកធ្វើចិត្តអោយលេចសាច់អោយបានត្រឹមត្រូវ ដើម្បីការពារការឆ្លងរីករាលដាលនៃជំងឺកូវីដ-១៩ ដល់ក្រុមគ្រួសារ សាច់ញាតិ ពិសេសខ្លួនឯងផ្ទាល់។ហើយក្នុងរយៈពេលធ្វើចត្តាឡីស័កនេះដែរ អាជ្ញាធរខេត្ត គឺទទួលរ៉ាប់រងទាំង អស់ ទាំងកន្លែងស្នាក់នៅ អាហារ ៣ ពេល នឹងឧបត្ថម្ភថវិកា ២ ម៉ឺនរៀលក្នុងមួយ ថ្ងៃផង ដែរ។
លោកអភិបាលខេត្ត ក៏បានបញ្ជាក់បន្ថែមផងដែរថា គិតត្រឹមព្រឹកថ្ងៃទី ២៣ ខែកុម្ភៈនេះ ទូទាំងខេត្តកណ្ដាល មានអ្នកដែលប៉ះពាល់ដោយផ្ទាល់ និងប្រយោល ហើយដែលកំពុងធ្វើចត្តាឡីស័កនៅតាមក្រុង-ស្រុកទាំងអស់ មានចំនួន៧០៩នាក់ ស្រីចំនួន៤៧១នាក់ ហើយតួលេខនេះនឹងមានការកើនឡើងជាបន្តបន្ទាប់ទៀត។
សូមជម្រាបថាបន្ទាប់ពីប្រគល់ជូននូវ អង្ករ និងគ្រឿងឧប ភោគបរិភោគ ព្រមទាំងសម្ភារៈប្រើប្រាស់មួយចំនួនរួចមក លោកក៏បានដឹក នាំក្រុមការងារ មន្ទីរជំនាញពាក់ព័ន្ធ បានចុះពិនិត្យមណ្ឌលចត្តាលីស័ក នៅមន្ទីរពេទ្យជ័យជំនះ ដើម្បីត្រៀមដាក់ប្រជាពលរដ្ឋដែលប៉ះពាល់នឹងព្រឹត្តិការណ៍សហគមន៍២០ កុម្ភៈ ផងដែរ៕ រក្សាសិទ្ធិដោយ៖CEN
