សូមរំលឹកជាថ្មីម្តងទៀតថា កាលពីថ្ងៃទី០១ ខែមីនា ឆ្នាំ ២០២១ នៅវេលាម៉ោងប្រមាណ ១១ ព្រឹក មានករណីឧក្រិដ្ឋជន ៤នាក់ បានចូលប្លន់ជំរិតលុយ ១លានដុល្លារ ពីម្ចាស់ផ្ទះភូមិគ្រឹះមួយកន្លែង ក្នុងបុរីអង្គរភ្នំពេញ ប៉ុន្តែ មិនបានសម្រេច ព្រោះចូលទៅ ក៏បានប៉ះគ្នាជាមួយកម្លាំងរាជអាវុធហត្ថរាជធានីភ្នំពេញ ដែលកំពុងរង់ចាំជាស្រេច បណ្តាលឲ្យក្រុមឧក្រិដ្ឋជនទាំង ៤នាក់ ស្លា ប់នៅនឹងកន្លែងតែម្តង។
តែយ៉ាងណាមិញ ខណៈដែលសពឧក្រិដ្ឋជន៣នាក់ ត្រូវបានក្រុមគ្រួសារយកទទួលស្គាល់ និងនាំយកធាតុរបស់ពួកគេរៀងៗខ្លួន ពីលោកតាអាចារ្យភ្លក់ នៅវត្តទឹកថ្លា ដោយឡែកតែធាតុសពរបស់មេឧក្រិដ្ឋជន អ៊ឹង សុវណ្ណរិទ្ធ ពុំត្រូវបានក្រុមគ្រួសារចូលមកទទួលយកឡើយ។
ក្រោយពីបានឃើញបែបនេះ និងព្រោះតែចិត្តមិនដាច់ ស្រាប់តែ ចំប៉ីខ្មៅ ចេញមុខធ្វើរឿងដ៏ភ្ញាក់ផ្អើលមួយនេះជូនសពមេឧក្រិដ្ឋជនរូបស្រស់សង្ហា ដោយបានប្រកាសក្តែងៗនៅក្នុងហ្វេសប៊ុកថា៖ «ប្រពៃណីទំនៀមទំលាប់ ខ្មោ ចងា ប់ទៅហើយ នៅឡើងឈ្មោះស្អុ យ គ្មានអ្នកណាម្នាក់ដឹងថា ខ្លួននឹងស្លា ប់ទៅព្រោះអ្វី នៅកន្លែងណា នៅទីណា នោះទេ មិនដឹងសូម្បីតែពេលវេលាថ្ងៃនេះ ឬថ្ងៃស្អែក ថ្ងៃណាមួយ តែ រឹទ្ធស្លាប់ហើយ ខ្ញុំមិនមែនជាញាតិ មិនដែលស្គាល់ មិនដែលជួប បានត្រឹមតែទិញកោដ្ឋដាក់ឆ្អឹងឱ្យ និមន្តព្រះសង្ឃសូត្រមន្តឱ្យតែប៉ុណ្ណឹង។ ខ្ញុំសង្ឃឹមថាមិត្ត ដែលធ្លាប់ជល់កែវជាមួយគាត់ នឹងមកជូនដំណើរគាត់ ចុងក្រោយ ។
មនុស្សណាមិនធ្លាប់ខុស តែគ្នាស្លាប់ទៅហើយឆ្អឹងធាតុគ្នា គួរតែដាក់ឱ្យបានសមរម្យ ជាមនុស្ស ខ្ញុំសង្ឃឹមថា ពុកម៉ែបងប្អូន នឹងអ ហោសិកម្មឱ្យចោរដែលស្លាប់ទៅហើយ នេះសូម្បីតែបងប្អូនគេក៏មិនអើពើ តែខ្ញុំមានតែជួយរក្សាបានប៉ុណ្ណឹងគម្រប់បុណ្យ៧ថ្ងៃ ខ្ញុំនឹងនិមន្តព្រះសង្ឃសូត្រមន្ត តាមប្រពៃណី នៃពិធីបុណ្យសពបើពុកម៉ែបងប្អូន យល់ថាការធ្វើបុណ្យ ត្រូវរើសថាជាមនុស្សល្អ ឬអាក្រក់ ជាសិទ្ធិ ក្នុងការសម្រេចចិត្តរបស់អ្នកទាំងអស់គ្នា តែសូមធ្វើបុណ្យជាមួយចោរមួយក្បាល ដែលគ្នាងាប់ទៅគ្មានញាតិផង»៕ រក្សាសិទ្ធិដោយ៖ លឹម ហុង
