ខេត្តព្រះសីហនុ ៖ យោងតាមប្រភពពីលោក ឃាង ភារម្យ អ្នកនាំពាក្យ រដ្ឋបាលខេត្តព្រះសីហនុ បានឲ្យដឹងថាឯកឧត្តម គួច ចំរើន ក្នុងនាមរដ្ឋបាលខេត្តព្រះសីហនុ សូមថ្កែងអំណរគុណយ៉ាងជ្រាលជ្រៅចំពោះសម្តរចអគ្គមហាសឹនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលបានផ្តល់នូវវ៉ាក់សាំងការពារជំងឺ កូវីដ ១៩ដល់រដ្ឋបាលខេត្តព្រះសីហនុ សំរាប់ចាក់ជូនមន្ត្រីរាជការអ្នកពាក់ព័ន្ឋនិងប្រជាពលរដ្ឋ ក្នុងខេត្តព្រះសីហនុ ដែលជាហេតុធ្វើបងប្អូនប្រជាពលរដ្ឋមានការត្រេកអរជាពន្លឹក។
លោកបន្តថា ក្រោយពីរដ្ឋបាលខេត្តបានចេញសេចក្តីជូនដំណឹងនាព្រឹកថ្ងៃទី៤មីនានេះ ដោយរដ្ឋបាលខេត្តព្រះសីហនុ ដែលបានជម្រាបជូន បងប្អូនប្រជាពលរដ្ឋ និងសាធារណជន ឱ្យបានជ្រាបថាក្នុងរយៈពេលប៉ុន្មានថ្ងៃកន្លងមកនេះ ពាក់ព័ន្ធព្រឹត្តិការណ៍សហគមន៍ ២០កុម្ភៈ មានករណីឆ្លងជំងឺកូវីដ-១៩ ដល់មនុស្សដែលកំពុងរស់នៅ ធ្វើការ ប្រកបអាជីវកម្មនៅខេត្តព្រះសីហនុក្នុងចំនួនមួយគួរឱ្យព្រួយបារម្ភ។
ដើម្បីទប់ស្កាត់ការឆ្លងរាលដាលជំងឺកូវីដ-១៩ ទៅក្នុងសហគមន៍ រដ្ឋបាលខេត្ត សូមផ្អាក ការធ្វើដំណើរចេញចូលខេត្តព្រះសីហនុជាបណ្តោះអាសន្ន លើកលែងតែរថយន្តដឹកទំនិញ និង រថយន្តសង្គ្រោះបន្ទាន់(ត្រូវឆ្លងកាត់លក្ខខណ្ឌនៃការត្រួតពិនិត្យត្រឹមត្រូវ) ដើម្បីទុក លទ្ធភាព ឱ្យរដ្ឋបាលខេត្តគ្រប់គ្រង់បាននូវអ្នកឆ្លងជំងឺកូវីដ-១៩ អ្នកមានការពាក់ព័ន្ធ ជាមួយ នឹង អ្នកជំងឺ និងទីតាំងដែលមានការពាក់ព័ន្ធ ដើម្បីកំណត់ជាមណ្ឌលចត្តាឡីស័ក ឱ្យបានចប់សព្វគ្រប់សិន។
សេចក្តីជូនដំណឹងនេះ សង្កេតឃើញថា បងប្អូនប្រជាពលរដ្ឋមានការយល់ដឹងខ្ពស់ក្នុងការចូលរួមទប់ស្កាត់នៃការរីករាលដាលជំងឺកូវីដ១៩នេះផងដែរ ដោយ បងប្អូនប្រជាពលរដ្ឋ បានផ្អាកការចាកចេញពីលំនៅដ្ឋានដោយពុំមានការជួបជុំគ្នា នៅលើផ្លូវសំខាន់ៗមានសភាពស្ងប់ស្ងាត់ ។
ឯកឧត្តម គួច ចំរើន អភិបាលនៃគណៈអភិបាលខេត្តព្រះសីហនុ រដ្ឋបាលខេត្តបានកំណត់ទីតាំងគោលដៅសំខាន់ៗចំនួន៣ ដែលត្រូវបិតច្រកនៃការចល័តចេញចូលចូលខេត្តព្រះសីហនុក្នុង នោះគោលដៅទី១ នៅចំនុចត្រពាំងល្ពៅ ព្រុំប្រទល់រវាងខេត្តកំពតនិង ខេត្តព្រះសីហនុ ទី២ នៅចំនុចផ្លូវបំបែកស្រែអំបិល ព្រុំប្រទល់រវាងខេត្តកោះកុងនិងខេត្តព្រះសីហនុ ទី៣ចំនុចស្ទឹងច្រាលព្រុំប្រទល់រវាងខេត្តកំពង់ស្ពឺ និង ខេត្ត ព្រះសីហនុ រហូតមានបទបញ្ជាថ្មី។
សូមបញ្ជាក់ផងដែរថាបច្ចុប្បន្នភាពគិតត្រឹមម៉ោងនេះ បានយកវត្ថុសំណាកសរុបចំនួន ៩៩៧០ នាក់ ស្រី ៤២៣៨ នាក់ ក្នុងនោះអ្នកវិជ្ជមានកូវីដ-១៩ សរុបចំនួន ៨០នាក់៕ រក្សាសិទ្ធិដោយ៖CEN
