ខេត្តរតនគិរី ៖ យោងតាមសេចក្តីរាយការណ៍ពីខេត្តរតនគិរី បញ្ជាក់ថា គ្រោះថ្នាក់នេះបណ្តាលឲ្យមានអ្នកស្លាប់២នាក់ របួសធ្ងន់ ៣នាក់ របួសស្រាលម្នាក់ ដោយដោយសារគោយន្តដឹកជ័រកៅស៊ូ ចុះចំណោទមិនទាន់ផុតផងក៏ដាច់ ហ្វ្រាំងរអិលចុះ ក្រោមក្រឡាប់ ជាន់អ្នកជិះម៉ូតូ២គ្រឿងនៅខាងក្រោម ។
សមត្ថកិច្ចបានអះអាងថា ករណីនេះកើតនៅថ្ងៃទី០៥ ខែមីនា ឆ្នាំ២០២១ នៅវេលាម៉ោង១០និង៣០នាទីនៅចំណុចផ្លូវកោងចុះទួល ស្ថិតក្នុងភូមិឡូន សង្កាត់យក្សឡោម ក្រុងបានលុង ខេត្តរតនគិរី។
អ្នកបើកបរគោយន្តកែច្នៃបង្កគ្រោះថ្នាក់ឈ្មោះញ៉ែម សុធី ភេទប្រុសអាយុ៣៨ឆ្នាំជនជាតិខ្មែរ រស់នៅ ភូមិបញ៉ុក ឃុំឯកភាព ស្រុកអូជុំ ខេត្តរតនគិរីបាន (ស្លាប់) នៅកន្លែងកើតហេតុ។
អ្នករួមដំណើរលើគោយន្តទី១.ឈ្មោះស៊ី ណា ភេទប្រុសអាយុ៣៨ឆ្នាំជនជាតិខ្មែរ (របួសធ្ងន់) ទី២ .ឈោះ្ម កុសល ភេទប្រុស អាយុ២៧ឆ្នាំជនជាតិខ្មែរ (របួសធ្ងន់) រស់នៅឃុំជាមួយអ្នបើកបរគោយន្តកែច្នៃ
ចំណែកអ្នកបើកបរម៉ូតូC125 ស៊េរី២០១៦ ពណ៌ខ្មៅពាក់ផ្លាកលេខរតនគិរី1B4770 ឈ្មោះសឿនពិន ភេទស្រីអាយុ៣០ឆ្នាំ ជនជាតិទំពួន សព្វថ្ងៃរស់ភូមិឡូន សង្កាត់យក្សឡោម ក្រុងបានលុង ខេត្តរតនគិរី (របួសធ្ងន់)។
អ្នកបើកបរម៉ូតូពណ៌ខ្មៅ គ្មានផ្លាកលេខឈ្មោះនិន យាវភេទ ប្រុស អាយុ៤៨ឆ្នាំ ជនជាតិខ្មែរ រស់នៅភូមិជ័យជំនះ សង្កាត់ឡាបានសៀក ក្រុងបានលុង រងរបួសធ្ងន់។ រីឯអ្នករួមដំណើរម៉ូតូឈ្មោះ ប៊ុន ឆេង ភេទប្រុសអាយុ៤៨ឆ្នាំ (ស្លាប់) ជនជាតិខ្មែរ រស់នៅភូមិជ័យជំនះ សង្កាត់ ឡាបានសៀក ក្រុងបានលុង មុខរបរកសិករ ។
ចំណែកសពប្រគល់ឲ្យក្រុមគ្រួសារយក ទៅធ្វើ បុណ្យតាមប្រពៃណី និងជនរងគ្រោះត្រូវបានបញ្ជូនទៅសង្គ្រោះ នៅមន្ទីរពេទ្យបង្អែកខេត្តរតនគិរី។ រីឯវត្ថុតាងត្រូវកម្លាំងជំនាញ បានយកទៅរក្សាទុកនៅការិយាល័យនគរបាលចរាចរណ៍ផ្លូវគោក ដើម្បីបំពេញសំណុំរឿងទៅតាមនីតិវិធី៕ រក្សាសិទ្ធិដោយ៖CEN
