ភ្នំពេញ ៖ បុរសម្នាក់រួមដំណើរជាមួយនិងស្ត្រីម្នាក់ទៀត បានបើករថយម៉ាកfordក្នុងល្បឿនលឿន ខ្វះការប្រុងប្រយ័ត្នជ្រុលទៅបុករថយន្តស៊េរីទំនើបមួយគ្រឿងទៀត បម្រុងនិងបត់ឆ្លងផ្លូវចំពីចំហៀងខាងក្រោយពេញទំហឹង បណ្ដាលឲ្យរថយន្តរងគ្រោះរងការខូចខាត។ ចំណែកឯម្ចាស់រថយន្តបង្កវិញគាត់នៅកន្លែងកើត រង់ចាំដោះស្រាយជាមួយនិងភាគីរងគ្រោះ។
ហេតុការណ៍នេះដែរកើតឡើងនៅវេលាម៉ោង ១ និង១៥នាទីយប់ឈានថ្ងៃទី០៦ ខែមីនា ឆ្នាំ២០២១ ស្ថិតនៅតាមបណ្ដោយផ្លូវភ្នំពេញហាណូយ ក្នុងសង្កាត់គោកឃ្លាង ខណ្ឌសែនសុខ រាជធានីភ្នំពេញ។
បើយោងតាមប្រភពព័ត៌មានពីជនរងគ្រោះនៅកន្លែងកើតហេតុ បានឲ្យដឹងថា មុនពេលកើតហេតុគាត់បានបើករថយន្តស៊េរីទំនើបមួយគ្រឿង ពណ៌ស ពាក់ផ្លាកលេខភ្នំពេញ 2-AI 3352 បើកបរម្នាក់ឯងធ្វើដំណើរ តាមបណ្ដោយផ្លូវបេតុងក្នុងទិសដៅពីលិចបម្រុង និងបត់ឆ្វេងឡើងទៅត្បូងវិញ ខណៈមកដល់ចំណុចកើតហេតុ ស្រាប់តែមានរថយន្តបង្កមួយគ្រឿងម៉ាកfrod ពណ៌ត្រេអ៊ី ពាក់ផ្លាកលេខ ខេមរភូមិន្ទ 02 2-33 80 បើកបរដោយបុរសម្នាក់រួមដំណើរជាមួយស្ត្រីម្នាក់ទៀត ធ្វើដំណើរតាមបណ្តោយផ្លូវភ្នំពេញហាណូយ ក្នុងទិសដៅពីជើងមកត្បូងក្នុងល្បឿនលឿន មកបុកចំពីចំហៀងខាងក្រោយរថយន្តរបស់គាត់ ពេញទំហឹងបណ្តាលឲ្យរងការខូចខាតយ៉ាងដំណំផងដែរ រួចគាត់បានចុះទៅឃាត់រថយន្តបង្កដើម្បីឲ្យជួយសងថ្លៃខូចខាត។ សំណាងល្អមិនគ្រោះថ្នាក់ទៅដល់មនុស្សរងការខូចខាតរថយន្តទាំងសងខាង។
ក្រោយពេលកើតហេតុសមត្ថកិច្ចមូលដ្ឋាន ចុះមកដល់រួចក៏ឲ្យភាគីទាំងពីរធ្វើការចរចាគ្នា ដោយភាគីខាងរថយន្តបង្កគាត់មិនចង់នៅវែងឆ្ងាយ ក៏សុំសងជាសំណងក្នុងការជួយជួសជុលរថយន្ត រងគ្រោះបញ្ចប់រឿងនៅកន្លែងកើតហេតុ៕ រក្សាសិទ្ធិដោយ៖ សាមេត
