ភ្នំពេញ ៖ បុរសម្នាក់បានបើករថយន្តកុងតឺន័រមួយគ្រឿងក្នុងល្បឿនលឿន ខ្វះការប្រុងប្រយ័ត្នបានជ្រុលចង្កូតទៅបុករថយន្តម៉ាកATOZ មួយគ្រឿងទៀត កំពុងឆ្លងផ្លូវចំពាក់កណ្តាលទ្វារពេញទំហឹងបណ្ដាលឲ្យអូសផ្ទុប ទៅជាប់និងរបងការរ៉ាស់សាំងទៅមុខលែងរួច។ សំណាងល្អមិនគ្រោះថ្នាក់ដល់មនុស្ស។
ហេតុការណ៍នេះដែរកើតឡើងនៅវេលាម៉ោង ០០ និង១០នាទីយប់ឈានថ្ងៃទី០៦ ខែមីនា ឆ្នាំ២០២១ ស្ថិតនៅតាមបណ្ដោយផ្លូវម៉ុងឬទ្ធី កែងផ្លូវ១០០៣ ក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ។
បើយោងតាមប្រភពព័ត៌មានពីប្រជាពលរដ្ឋ នៅកន្លែងកើតហេតុ បានឲ្យដឹងថា មុនពេលកើតហេតុគាត់បានឃើញរថយន្តម៉ាកATOZមួយគ្រឿង ពណ៌ទឹកមាស ពាក់ផ្លាកលេខភ្នំពេញ 2-L1400 បើកបរដោយបុរសម្នាក់ធ្វើដំណើរ តាមបណ្ដោយផ្លូវ១០០៣ ក្នុងទិសដៅពីជើងទៅត្បូងបម្រុងនិងឆ្លងស្តុប ខណៈមកដល់ចំណុចកើតហេតុខាងលើ ស្រាប់តែមានរថយន្តកុងតឺន័រមួយគ្រឿងទៀត ក្បាលពណ៌សពាក់ផ្លាកលេខភ្នំពេញ3F-3352 បើកបរដោយបុរសម្នាក់ ធ្វើដំណើរតាមបណ្តោយផ្លូវម៉ុងឬទ្ធី ក្នុងទិសដៅពីលិចទៅកើតក្នុងល្បឿនលឿន ដល់ស្តុបផ្លូវបំបែកជា៤មិនប្រយ័ត្នបានជ្រុលចង្កូតទៅបុករថយន្តម៉ាកATOZ ចំពាក់កណ្តាលពេញទំហឹងបណ្តាលឲ្យអូសទៅផ្ទុបជាប់និងការ៉ាស់សាំងទើជាប់ត្រឹមនឹង។
ចំណែកឯតៃកុងរថយន្តកុងតឺន័រ ត្រូវសមត្ថកិច្ចឃាត់បានឲ្យនៅកន្លែងកើតហេតុ រងចាំដោះស្រាយជាមួយនឹងភាគីខាងរថយន្តរងគ្រោះ។
ក្រោយពេលកើតហេតុសមត្ថកិច្ចមូលដ្ឋាន សហការជាមួយនឹងខាងជំនាញចរាចរណ៍ខណ្ឌសែនសុខ ចុះមកដល់ដោយភាគីទាំងពីរអត់ត្រូវគ្នាក៏បានទំនាក់ទំនង ទៅខាងចរាចរណ៍ជំនាញក្រុង ឲ្យចុះមកវាស់វែងនិងធ្វើកំណត់ហេតុយករថយន្តទាំងពីរគ្រឿងទៅរក្សាទុកនៅខាងការិយាល័យចរាចរណ៍ផ្លូវគោក នៃស្នងការនគរបាលរាជធានីភ្នំពេញ រង់ចាំដោះស្រាយនៅពេលក្រោយ៕ រក្សាសិទ្ធិដោយ៖សា មេត
