ភ្នំពេញ ៖ នៅព្រឹកថ្ងៃទី ៧ ខែ មីនា ឆ្នាំ២០២១នេះតាមយោបល់ដឹកនាំរបស់លោកឧត្តមសេនីយ៍ទោ សាត គឹម សាន ស្នងការនៃស្នងការដ្ឋាននគរបាលខេត្តបាត់ដំបង លោមឧត្តមសេនីយ៍ត្រី ដាញ់ អេងប៊ុនចាន់ ស្នងការរងផែនការងារអន្តោប្រវេសន៍បាន ដឹកនាំមន្ត្រីការិយាល័យជំនាញ នាំខ្លួនស្ត្រីជាជនបរទេសម្នាក់ឈ្មោះ ខុងក្រាថូក សុផា អាយុ២៦ឆ្នាំ រសនៅខេត្តស្រះកែវ ប្រទេសថៃ(ជនជាតិថៃ)ដែលបានលួបលួចឆ្លងដែនចូលមកប្រទេសកម្ពុជា ដោយខុសច្បាប់នាពេលកន្លងទៅ ហើយត្រូវបានសមត្ថកិច្ចនគរបាលច្រកទ្វារអន្តរជាតិគីឡូ១៣ និងសមត្ថកិច្ចនគរបាលស្រុកសំពៅលូនឃាត់ខ្លួនសាកសួរនិងនាំទៅធ្វើចត្តាឡីស័កស្របតាមវិធានសុខាភិបាលនៅទីនោះ។
ដោយមិនមានពាក់ព័ន្ធករណីឆ្លងជម្ងឺកូវីដ១៩ ស្រី្តរូបនេះត្រូវបានទទួលនូវការផាកពិន័យស្របតាមអនុក្រិត្យរបស់រាជរដ្ឋាភិបាល ហើយពេលនេះស្រី្តជាជនបរទេសរូបនេះត្រូវបានបញ្ជូនគាត់ទៅកាន់អគ្គនាយកដ្ឋានអន្តោប្រវេសន៍ក្រសួងមហាផ្ទៃ ដើម្បីចាត់ការតាមផ្លូវច្បាប់នៃព្រះរាជាណាចក្រកម្ពុជា៕ រក្សាសិទ្ធិដោយ៖បញ្ញាស័ក្តិ
