ភ្នំពេញ ៖ ទំហំពាណិជ្ជកម្មទ្វេភាគីរវាងកម្ពុជា និងអាមេរិក មានចំនួន ៦១៤លានដុល្លារអាមេរិកនៅក្នុងខែដំបូងនៃឆ្នាំ២០២១នេះ។ នេះបើយោងតាមរបាយការណ៍ពីការិយាល័យស្ថិតិរបស់សហរដ្ឋអាមេរិក។
កម្ពុជានាំចេញទៅអាមេរិកមានតម្លៃប្រមាណ ៥៨០លានដុល្លារ ដែលមានកំណើន ៣,៦៩ភាគរយពីឆ្នាំទៅមួយឆ្នាំ ពី៥៦០លានដុល្លារ ខណៈពេលដែលការនាំចូលវិញមានជិត ៣៤លានដុល្លារអាមេរិក កើនឡើងប្រមាណជិត ៣១ភាគរយ កើនពីជិត ២៦លានដុល្លារអាមេរិក។
គួរបញ្ជាក់ថាពាណិជ្ជកម្មរវាងអាមេរិកកាលពីឆ្នាំមុនមានចំនួន ៦,៩ប៊ីលានដុល្លារអាមេរិក កើនឡើងជិត ១៨ភាគរយ បើប្រៀបធៀបនឹងឆ្នាំ២០១៩។ កម្ពុជាបាននាំចេញទៅកាន់អាមេរិកមានចំនួន ៦,៥៧ប៊ីលានដុល្លារ និងនាំចូលប្រមាណ ៣៤៣លានដុល្លារអាមេរិក កើនឡើង៣៣ភាគរយបើប្រៀបធៀបទៅនឹងឆ្នាំ២០១៩៕
រក្សាសិទ្ធិដោយ៖CEN
