ភ្នំពេញ ៖ ជនសង្ស័យ២នាក់ជិះម៉ូតូឃើញសមត្ថកិច្ចភ្លេចខ្លួន ចូលទៅលួចអាយឌីបានហើយរួចប្រុងនិងកាច់កម៉ូតូយកទៅទៀត តែសំណាងមិនល្អសមត្ថកិច្ចឃើញទាន់រត់ឡើងម៉ូតូជិះគេចខ្លួន ដល់និងស្តុបផ្លូវ១០៥ សង្កាត់ទឹកល្អក់ទី២ ត្រូវសមត្ថកិច្ចឃាត់បានវាយខ្នោះជាប់ទាំងពីរនាក់។
ហេតុការណ៍ភ្ញាក់ផ្អើលនេះដែរកើតឡើងនៅវេលាម៉ោង ២និង ២០ នាទីយប់ឈានចូលថ្ងៃអង្គារទី ៩ ខែមីឆ្នាំ ២០២១ ឃាត់បានត្រង់នឹងផ្លូវ១០៥ សង្កាត់បឹងកក់ទី ២ ខណ្ឌទួលគោក រាជធានីភ្នំពេញ។
បើយោងតាមប្រភពព័ត៌មានពីសមត្ថកិច្ចប្រចាំការនៅប៉ុស្តិ៍២៤ម៉ោង បានឲ្យដឹងថា មុនពេលកើតហេតុពួកគាត់នាំគ្នាសម្រានលង់លក់មួយភាំង ខណៈពេលភ្លាមនោះដែរ ស្រាប់តែលេចមុខជនសង្ស័យជិះម៉ូតូម៉ាក អឹម ផ្លាស មួយគ្រឿងពណ៌ខ្មៅពាក់ផ្លាកលេខ កណ្តាល1-Z 0318 ជិះគ្នា២នាក់ចូលមកលួចអាយឌីបានហើយ រួចបម្រុងនិងចូលទៅកាច់កម៉ូតូយកទៀត តែសំណាងមិនល្អសមត្ថកិច្ចដឹងខ្លួនទាន់ រួចបានយកអាយ ឌីមួយគ្រឿងឡើងម៉ូតូជិះរត់គេចខ្លួន។
ដោយសមត្ថកិច្ចខណ្ឌសែនសុខ សហការជាមួយកម្លាំងសមត្ថកិច្ចខណ្ឌទួលគោក តាមប្រដេញពីក្រោយឃាត់បាននៅត្រង់ចំណុច ផ្លូវ១០៥ ក្នុងសង្កាត់បឹងកក់ទី២ខណ្ឌទួលគោក រួចប្រគល់ជនសង្ស័យទាំង២នាក់ ទៅឲ្យខាងសមត្ថកិច្ចខណ្ឌសែនសុខវិញ ដើម្បីយកទៅធ្វើការសួរនាំ និងកសាងសំណុំរឿងបញ្ជូនទៅកាន់តុលាការចាត់ការទៅតាមផ្លូវច្បាប់៕ រក្សាសិទ្ធិដោយ៖សាមេត
