ភ្នំពេញ ៖ រកឃើញអ្នកវិជ្ជមាននឹងមេរោគកូវីដ១៩ ចំនួន ០៣ នាក់ នៅវេលាម៉ោង១០ និង៤០នាទី ព្រឹកថ្ងៃទី១៦ ខែមីនា ឆ្នាំ២០២១ នៅឃ្លាំងលក់រថយន្ត RVLG (ពាក់ព័ន្ធនឹងករណី អ្នកជំងឺ ឈ្មោះ ចាន់ មករា) ស្ថិតនៅចំណុចផ្ទះលេខ២២៣j ផ្លូវលេខ៥៩៨ ក្រុមទី៦ ភូមិគង្គាផុស សង្កាត់ទួលសង្កែទី២ ខណ្ឌឫស្សីកែវ រាជធានីភ្នំពេញ ក្រុមគ្រូពេទ្យ បានមកទទួលយក អ្នកវិជ្ជមានមេរោគកូវីដ១៩ ចំនួន ០៣ នាក់។
អ្នកវិជ្ជមានមេរោគកូវីដ១៩ ចំនួន ០៣ នាក់ មានដូចជា៖ ១/ បុរស អាយុ៤៣ឆ្នាំ ២/ កុមារី អាយុ១៦ឆ្នាំ ៣/ កុមារា អាយុ១២ឆ្នាំ ហើយ អ្នកជំងឺទាំងបីនាក់ ត្រូវបានបញ្ជូនទៅព្យាបាលនៅសណ្ឋាគារ The Great Duke (អតីតសណ្ឋាគារអាំងទែរកង់ទីណង់តាល់) ដោយឡែកទីតាំងខាងលើនេះ បាននិងកំពុងបិទជាបណ្ដោះអាសន្នកាលពីថ្ងៃម្សិលមិញ ក្រោយពីមានការយកសំណាកទៅលើមនុស្សចំនួន១៩នាក់ ដែលពាក់ព័ន្ធក្នុងឃ្លាំងខាងលើនេះរួចមក៕ រក្សាសិទ្ធិដោយ៖សារឿន
