ដូចដែលបងប្អូនប្រិយមិត្តបានទទួលជ្រាប និងក៏ដូសម្តែងនូវក្តីតក់ស្លុតរួចហើយ ទាក់ទងវីដេអូអំពើហិង្សាដ៏សាហាវៗ ពីសំណាក់ឧកញ៉ា ឌួង ឆាយ ទៅលើអតីតភរិយា អ្នកនាង ដេត ម៉ាលីណា ដែលសូម្បីតែសម្តេចតេជោ ហ៊ុន សែន ក៏បង្ហាញនូវការឈឺចាប់ រហូតសម្តេចបានចូល Comment បែបនេះថា ៖ «ហេតុអី ដួង ឆាយ ឃោរឃៅ ដល់កំរិតនេះ?»។
តែទោះយ៉ាងណា ក្រោយវីដេអូនេះបានកំពុងផ្ទុះឡើងកក្រើកបណ្តាញសង្គម ជាមួយនឹងមតិរិះគន់ និងការស្អប់ខ្ពើមដូចព្យុះ ពីសំណាក់បងប្អូនមហាជនទូទៅ នៅពេលនេះ សាមីខ្លួនឧកញ៉ា ឌួង ឆាយ បានចេញមុខឡាយវីដេអូបកស្រាយ ដោយក្នុងនោះជ្រុងមួយ ដែលនាំឲ្យឈានដល់ការប្រើអំពើហិង្សាបែបនេះ គឺដំបូងឡើយដោយសារអតីតភរិយា បង្ខំឲ្យខ្លួនក្រៀវប្រដាប់ភេទ ព្រោះខ្លាចខិលខូចមានស្រីខាងក្រៅ និងឈានដល់ការមានកូន។
គួរឲ្យដឹងផងដែរថា ការដែលអ្នកនាង ដេត ម៉ាលីណា ទម្លាយចេញវីដេអូនៃសកម្មភាពហិង្សាដ៏សាហាវៗនេះ គឺដោយសារខឹងអតីស្វាមី ឌួង ឆាយ យកកូនទៅនៅជាមួយ តាំងពីថ្ងៃទី៨ មីនា ដែលរហូតមកទល់ពេលនេះ ពុំទាន់យកមកវិញ។ ប៉ុន្តែ រឿងនេះលោក ឌួង ឆាយ ក៏បានបកស្រាយហេតុផលថា មកពីអ្នកនាង ដេត ម៉ាលីណា ពុំខ្វល់ខ្វាយមើលថែ និងផ្តល់ភាពកក់ក្តៅដល់កូនៗនោះទេ គឺរវល់តែដើរលេងផឹកស៊ី ដាច់ៗយប់ ជាហេតុធ្វើឲ្យរូបលោក មានការព្រួយបារម្ភ អាណិតកូនៗ និងយកមកដើម្បីផ្តល់ភាពកក់ក្តៅដល់ពួកគេ៕ រក្សាសិទ្ធិដោយ៖ លឹម ហុង
