តាកែវ ៖ ទីក្រុងដែលទើបតែទទួលបានផ្ការំដួលពីរទង ថាជាទីក្រុងស្អាតឥឡូវបាននិងកំពុងតែបង្ហាញនៅសកណ្តានុពុលពិសេស គឺទីតាំងស្តុកអេតចាយយ៉ាងធំនៅចំកណ្តាលទីក្រុងដូនកែវ ខេត្តតាកែវតែម្តង ដែលបច្ចុប្បន្នទីតាំងកំពុងរំលោភបំពានលើផ្លូវសារធារណៈ ដោយក្លាចរឯងពីសមត្ថកិច្ចជំនាញ ឬអជ្ញាធរឡើយ ។
យោងតាមការលើកឡើងរបស់បងប្អូនប្រជាពលរដ្ឋដែលរស់នៅជិតខាង និងអ្នកធ្វើដំណើរនៅតាមផ្លូវខេត្តលេខ ២៨ ជាច្រើនបាននាំគ្នានិយាយថា ទីតាំងស្តុកអេតចាយនេះបាននិងកំពុងធ្វើអោយមានការព្រួយបារម្មណ៏ខ្លាំង ចំពោះកន្លែងស្តុកអេតចាយ ដែលកំពុងគរដូចភ្នំនៅលើថ្នល់ សឹងតែមួយចហៀងផ្លូវទៅហើយ តែបែរជាមន្ត្រីជំនាញមួយចំនួន មើលមិនឃើញពី កត្តាគ្រោះថ្នាក់នេះទៅវិញ ដោយពិបាកនិងហ៊ានបើកបរក្បែរ និងដើរក្បែរទីតាំងនោះខ្លាំងណាស់ ។
ពួកគាត់បាននាំគ្នានិយាយទៀតថា ទីតាំងស្តុកអេតចាយគឺធ្លាប់បាន មានការណែនាំជាច្រើនលើកច្រើនសាររួចមកពីសំណាក់អាជ្ញរធរក្រុងដូនកែវ តែទោះជាយ៉ាងណា ក៏នៅតែដដែល ដូចចាក់ទឹកលើក្បាលទារចឹង ។ ក្នុងនោះដែរពួកគាត់មានតែសំណូរពរទៅឯកឧត្តម ឡាយ វណ្ណៈ អភិបាលខេត្តទេ ទើបអចជួយដោះស្រាយនៅបញ្ហានេះបាន ។
បើតាមការឳ្យដឹងពីលោក កង អាណាន់ អភិបាលរងក្រុងដូនកែវ បានអោយដឹងថា ទីតាំងស្តុកអេតចាយខាងលើនេះត្រូវបានអជ្ញាធរក្រុងធ្វើការណែនាំ ៤ដងមកហើយ ដោយមានលក្ឌ័ណពីរចំនុច គឺមិនអោយគាត់ដាក់សម្ភារៈអេតចាយនោះនៅសំពីងសំពោងលើថ្នល់បែបនោះទៀតទេ បើសិននៅតែបន្តដាក់បែបនេះទៀត អាជ្ញាធរនិងប្រើវិធានការក្តៅចុះបិទទីតាំងស្តុកអេតចាយខាងលើនេះតែម្តង ។ លោកអភិបាលរងក្រុងដូនកែវបានបន្តថា ភាគីម្ចាស់ទីតាំងស្តុកអេតចាយខាងលើបានសុំពន្យាពេលទៅលើការរកទីតាំងថ្មីនៅឆ្ងាយពីរកណ្តាលទីក្រុងដើម្បីកុំអោយមានផលប៉ះពាល់ កាលពីចុងឆ្នាំ ២០១៧ ក្នុងពេលដែលអជ្ញារធរក្រុងហៅទៅធ្វើកិច្ចសន្យាដោយសុំព្យាពេល ១ខែ ក៏ប៉ុន្តែ មកដល់ពេលនេះ ខែ៣ ឆ្នាំ២០១៨ ទៅហើយទីតាំងខាងលើហាក់បីដូចជាកាន់តែធ្វើលើសដើមទៅទៀត ។ សូមបញ្ជាក់ផងដែរថាទីតាំស្តុកអេតចាយខាងលើស្ថិតនៅក្នុងភូមិឡូរី សង្កាត់រកាក្នុង ក្រុងដូនកែវ ខេត្តតាកែវ៕ តាកែវ
