ខេត្តស្វាយរៀង ៖ បុរសម្នាក់បានរងរបួសស្រាល ខណៈដែលស្រវឹងស្រាឡើងជោកជាំហើយបានបើករថយន្តខ្លួនឯងរេចង្កូតទៅបុករថយន្តhiyandaiដឹកសំណាញ់ដែកបណ្តាលឲ្យខូចខាតរថយន្តយ៉ាងដំណំ។
ករណីគ្រោះថ្នាក់ចរាចរណ៍នេះបានកើតឡើងនៅវេលាម៉ោង៦និង០៥នាទីព្រលប់ថ្ងៃទី ១៨ ខែមីនា ឆ្នាំ ២០២១នៅលើផ្លូវជាតិលេខ៣១៧ ស្ថិតក្នុងភូមិ អង្គ្រង ឃុំស្វាយរំពារ ស្រុក ស្វាយទាប ខេត្តស្វាយរៀង ។
សមត្ថកិច្ចបានឲ្យដឹងថា នៅមុនពេលកើតហេតុមានរថយន្តមួយគ្រឿង ម៉ាក CAMRY ពណ៌ ទឹកប្រាក់ពាក់ ផ្លាកលេខ ភ្នំពេញ 2Q.3427 បើកបរដោយបុរសម្នាក់ឈ្មោះ សេក ណារ៉ូ ភេទប្រុស អាយុ ២៧ឆ្នាំ ជនជាតិខ្មែររស់នៅភូមិ ចំបក់កោង ឃុំ ចក ស្រុក រំដួលខេត្តស្វាយរៀងធ្វើដំណើរពីទិសដៅពីជើងទៅត្បូង លុះមកដល់ចំណុចកើតហេតុខាងលើបានរេចង្កូតរថយន្តទៅបុកចំពីចំហៀងរថយន្តម៉ាកHIYANDAI ពណ៌ សពាក់ផ្លាកលេខ ស្វាយរៀង3D.2365 ដឹកសំណាញ់ដែកដែលធ្វើដំណើរពីត្បូងទៅខាងជើងបញ្ច្រាសទិសគ្នាបណ្តាលឲ្យរថយន្តCAMRYឆ្លាមខូចខាតធ្ងន់ធ្ងរដោយម្ចាស់គ្រាន់តែរងរបួសស្រាលចំណែក រថយន្តដឹកទំនិញHIYANDAI ខូចខាតស្រាល។
បច្ចុប្បន្នមធ្យោបាយទាំងពីរគ្រឿងត្រូវបានសមត្ថកិច្ចយកទៅរក្សាទុកនៅប៉ុស្តិ៍នគរបាលរដ្ឋបាលស្វាយរំពារដើម្បីរង់ចាំដោះស្រាយគ្នាពេលក្រោយ។
មូលហេតុគឺ អ្នកបើកបររថយន្តCAMRYឆ្លាមរេចង្កូតចូលមកបុករថយន្តដឹកទំនិញក្នុងស្ថានភាពស្រវឹង៕
រក្សាសិទ្ធិដោយ៖ វ៉ៃកូ
