“កុំតូចចិត្តនឹងវាសនា កុំតវ៉ានឹងព្រហ្មលិខិត…” ហាក់ដូចជាមិនខុសទេ ព្រោះថាលើលោកនេះ ប្រសិនបើធម្មជាតិឬ “ទេវតាគ្មានភ្នែក” នោះពុំមានមនុស្សលោកឡើយ។ យ៉ាងនេះក្តី មនុស្សទាំងឡាយគប្បីចាត់ទុកថា អ្វីដែលសំខាន់សម្រាប់ជិវិតគឺការ “ចែករំលែក”។
សាកល្បងគិតមើលអ្វីៗខាងក្រោមនេះ អ្នកមានត្រូវកាចំណាយលុយទិញឯណា?
-ពន្លឺព្រះអាទិត្យ
លើលោកនេះ គ្មានសភាវៈណាមួយអាចរស់បាន ប្រសិនបើគ្មានពន្លឺព្រះអាទិត្យ ហើយមានអ្នកណាត្រូវចំណាយលុយទិញវាដែរឬទេ?
-ខ្យល់អាកាស
ឲ្យតែមានជីវិត សួរថា អ្នកណាអាចរស់បានដោយពុំដកដង្ហើមនោះ ហើយអ្នកមានដែលឃើញ “វិក័យប័ត្រ” ទូរទាត់លុយដែរឬទេ?
-ស្នេហា
មនោសញ្ចេតនាជ្រាលជ្រៅ ការឆ្លងកាត់ព្យុះព្លៀងជីវិតជាមួយគ្នា មានក្រចែករំលែកគ្នា ចង្វាក់បេះដូងតែ១…នោះគឺមនោសញ្ចេតនាគ្រឹះជាបង្អែកនៃជីវិតរបស់មនុស្សទាំងឡាយ។ សួរថា តើគេអាចប្រើលុយទិញវាយកមកបានដែរឬទេ?
-សេចក្តីស្រឡាញ់របស់ឪពុកម្តាយ
មនុស្សយើងកើតមកគឺ “ននលគោក” គ្មានអ្វីទាំងអស់! តែពួកគេសុទ្ធសឹងទទួលបាននូវក្តីស្រឡាញ់មេត្តារបស់ឪពុកម្តាយ ហើយជាទូទៅគ្មានឪពុកម្តាយណានិយាយប្រាប់កូនៗថា ៖ “កូនឲ្យលុយម៉ែពុកនោះពុកម៉ែនឹងស្រឡាញ់កូន!”។
ក្តីស្រឡាញ់របស់ឪពុកម្តាយនឹងពុំថមថយតម្លៃ ទោះបីអ្នកធំដឹងក្តី ហើយកាន់តែមានទម្ងន់ទោះបីពួកគាត់ចាស់… ឲ្យតែនៅរស់ លើលោកីយ៍នេះ ក្តីស្រឡាញ់របស់ឪពុកម្តាយពុំមានប្រែប្រួលឡើយ។ គ្មានលុយណាទិញបានទេ!។
-មិត្តភាព
មនុស្សដែលតែងនៅក្បែរពេលអ្នកឯកោ លែងដៃតោងចាប់អ្នកពេលអ្នកដួល ឲ្យស្មាអ្នកផ្អែក លួងលោមអ្នកពេលអ្នកពិបាកចិត្ត តែមានវត្តមានពេលអ្នកត្រូវការ។ សួរថា បើប្តូរវាជាលុយវិញ តើប៉ុន្មានទៅ…?!
-គោលដៅជីវិត ក៏គ្មានកម្រៃដែរ
ទោះបីជាព្រះអង្គម្ចាស់ “ដេកស្រួល ស៊ីឆ្ងាញ់ស្លៀកស្អាត” ឬក៏ជនអនាថាគ្មានផ្ទះ គ្មានអាហារ ស្លៀកខោអាវរហែក ក៏សុទ្ធសឹងមានគោលដៅជីវិតដូចៗគ្នា។ គោលដៅនោះអាច “ឧដុង្គឧត្តម” សំខាន់ឲ្យតែអ្នកពេញចិត្តនឹងវាពិតជាការ…ស្រេច គ្រប់គ្រាន់ណាស់ទៅហើយ សំខាន់គឺយើងពេញចិត្ត ព្រោះថាកើតនឹងស្លាប់ គឺ”ដូចគ្នា” គ្មានអ្វីទាំងអស់។ នោះក៏មានទាមទារយើងត្រូវចំណាយលុយទិញឯណា?
-ជំនឿក៏ពុំតម្រូវការលុយដែរ
សរីរាង្គដែលផ្គុំឡើងដោយសាច់ឈាមទាំងឡាយ គប្បីមានជំនឿជាក់លាក់ និងមុតមាំសម្រាប់ធ្វើជាបង្អែក។ នោះគឺបង្អែកនៃស្មារតីវាសំខាន់ណាស់ ព្រោះវានឹងជួយពន្លឺផ្លូវជីវិតរបស់អ្នកជួយអ្នកជម្នះឧបសគ្គក្នុងជីវិត។
នៅមានវាយោផាយផាត់ ក៏នៅមានភ្លៀងរលឹម មានពន្លឺចន្ទ្រាមានដួងតារារះបំភ្លឺលំអរវេហា មាន…ជីវិតស្រស់ថ្លាយ៉ាងតិចក៏លើផ្នែកស្មារតី…។ ដូច្នេះអ្នកទាំងឡាយ! ពុំគប្បីរអ៊ូរដាក់ទេវតា ចោទលោកថា “គ្មានភ្នែក”ទៀត។ តាំងពីយូរណាស់មកហើយ ទេវតាតែងផ្តល់នូវយុត្តិធម៌ ផ្តល់នូវអ្វីៗសំខាន់បំផុតសម្រាប់ជីវិត ដោយពុំទាមទារកម្រៃសូម្បី… មួយកាក់ មួយសេន។
បញ្ហាស្ថិតត្រង់ថា លើអ្នកមានសម្លឹងឃើញវាដែរ ឬទេ?