ភ្នំពេញ ៖ កម្លាំងកិច្ចការពិសេស(SDU)ស្នងការរាជធានីភ្នំពេញបានសហការជាមួយកម្លាំងមូលដ្ឋានប៉ុស្តិ៍សង្កាត់ទន្លេបាសាក់បានធ្វេីការឃាត់ខ្លួនក្រុមក្មេងទំនេីង ដែលប្រមូលផ្ដុំពពាក់ពពូនគ្នាក្នុងទីក្រុងកោះពេជ្រមកធ្វេីការអប់រំណែនាំ។
ហេតុការណ៍បង្ក្រាបនេះបានធ្វេីឡេីងនៅវេលាម៉ោង១០និង៣០នាទីយប់ ថ្ងៃទី២៧ ខែមីនា ឆ្នាំ២០២១ ក្នុងបរិវេណកោះពេជ្រ សង្កាត់ទន្លេបាសាក់ ខណ្ឌចំការមន រាជធានីភ្នំពេញ។
យោងតាមប្រភពពីសមត្ថកិច្ចបានប្រាប់ឲ្យដឹងថា ដោយមានការរាយការណ៍ពីប្រជាពលរដ្ឋ ថា មានក្រុមក្មេងស្ទាវជាច្រេីននាក់និងម៉ូតូជាច្រេីនគ្រឿង មកពពាក់ពពូនប្រមូលផ្ដុំគ្នា ក្នុងទីក្រុងកោះពេជ្រជារៀងរាល់ថ្ងៃ ទេីបកម្លាំងកិច្ចការពិសេស(SDU)ស្នងការរាជធានីភ្នំពេញបានចុះមក ឃាត់ខ្លួនក្រុមក្មេងទំនេីង ដែលប្រមូលផ្ដុំពពាក់ពពូនគ្នាក្នុងទីក្រុងកោះពេជ្រដោយសហការជាមួយកម្លាំងមូលដ្ឋានប៉ុស្តិ៍សង្កាត់ទន្លេបាសាក់ ចុះឃាត់ខ្លួនក្រុមក្មេងទំនេីងប្រុសស្រីបានចំនួន៤៨នាក់ ស្រី៥នាក់ និងម៉ូតូចម្រុះចំនួន២៥គ្រឿង មកធ្វេីការអបរំណែនាំ ឲ្យស្របតាមចរាចរណ៍ណែនាំរបស់រដ្ឋបាលរាជធានីភ្នំពេញចេញសេចក្ដីណែនាំដល់កងកម្លាំង និងអាជ្ញាធរគ្រប់ខណ្ឌសហការឱ្យបានជិតស្និទ្ធជាមួយមន្ត្រីសុខាភិបាល ដើម្បីអនុវត្តការផាកពិន័យអន្តរការណ៍លើបុគ្គល ឬ នីតិបុគ្គល ដែលមិនអនុវត្តនូវកាតព្វកិច្ចពាក់ម៉ាស និង កាតព្វកិច្ចរក្សាគម្លាតសុវត្ថិភាព ក្នុងភូមិសាស្ត្ររាជធានីភ្នំពេញ។
ក្រុមក្មេងទំនេីង ដែលប្រមូលផ្ដុំពពាក់ពពូនគ្នាក្នុងទីក្រុងកោះពេជ្រ ទាំងអស់នេះ ត្រូវបានសមត្ថកិច្ចធ្វេីការអបរំណែនាំ ហេីយឲ្យសន្យាថាបេីសិនថ្ងៃក្រោយ ក្រុមនេះមកប្រមូលផ្ដុំទៀតហេីយសមត្ថកិច្ចចាប់បានមានមុខដដែលនោះ សមត្ថកិច្ចនិងអនុវត្តន៍តាមនីតិវិធីច្បាប់ដោយមិនមានការលេីកលែងឡេីយ។
ជាចុងក្រោយសមត្ថកិច្ចបានឲ្យក្រុមក្មេងៗទាំងអស់ត្រឡប់ទៅផ្ទះវិញ ដោយឲ្យចូលរួមគោរពវិធានការ ការពា កូវីដ១៩ ៣កុំ ៣ការពារ៕
រក្សាសិទ្ធិដោយ៖ សារឿន
