ភ្នំពេញ÷បុរសជនជាតិចិនម្នាក់បើករថយន្តក្នុងល្បឿនលឿនមិនប្រយ័ត្នបានរេចង្កូតជ្រុលទៅបុករះម៉ូតូ២គ្រឿងរួចបន្តទៅបុកក្មេងស្រី២នាក់ទៀតកំពុងតែអង្គុយលក់ដូរបណ្តាលឲ្យរងរបួសធ្ងន់។ ចំណែកឯរថយន្តបង្កព្យាយាមបើករត់គេចខ្លួនតែត្រូវបានប្រជាពលរដ្ឋជិះប្រដេញតាមពីក្រោយដល់ផ្លូវទាល់ត្រូវប្រជាពលរដ្ឋផ្ទុះកំហឹងព្រួតគ្នាយកដំថ្មគប់ទៅលើរថយន្តបណ្តាលឲ្យរងការខូចខាតនិងវាយទៅលើតៃកុងរថយន្តជាជនជាតិចិនរងរបួសធ្ងន់បញ្ជូនទៅមន្ទីរពេទ្យ។
ហេតុការណ៍គ្រោះថ្នាក់ចរាចរណ៍នេះដែរកើតឡើងកាលពីរវេលាម៉ោង៩ និង ៥០ នាទីយប់ថ្ងៃ សៅរិ៍ ទី២៧ ខែ មីនា ឆ្នាំ២០២១ ស្ថិតនៅតាមបណ្តោយផ្លូវ បេតុង ក្នុងសង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។
យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេឃើញម៉ូតូ២គ្រឿងចតចោលនៅមុខផ្ទះ ភ្លាមនោះដែរស្រាប់តែមានរថយន្តម៉ាក NISAN មួយគ្រឿងពណ៌សពាក់ផ្លាកលេខភ្នំពេញ2-AK 8676 បើកបរដោយបុរសជនជាតិចិនម្នាក់ធ្វើដំណើរតាមបណ្តោយផ្លូវបេតុងក្នុងទិសដៅពីកើតទៅលិចក្នុងល្បឿនលឿនបានរេចង្កូតទៅបុករះម៉ូតូ២គ្រឿងរួចបន្តទៅបុកនិងក្មេងស្រី២នាក់ទៀតកំពុងតែអង្គុយលក់ដូរបណ្តាលឲ្យរងរបួសក្មេងស្រី២នាក់ធ្ងន់បញ្ជូនទៅសង្គ្រោះបន្ទាន់ភ្លាមៗផងដែរ ចំណែកឯរថយន្តបង្កជាជនជាតិចិនព្យាយាមបើករត់ទៅមុខគេចខ្លួនតែត្រូវបានប្រជាពលរដ្ឋប្រដេញតាមពីក្រោយរហូតដល់ផ្លូវទាល់ក៏មានការផ្ទុះកំហឹងប្រជាពលរដ្ឋយកដំថ្មគប់ទៅលើរថយន្តបែកកញ្ចក់និងវាយទៅលើជនជាតិចិនជាតៃកុងរថយន្តបង្ករងរបួសធ្ងន់បែកឈាមពេញមុខត្រូវបានរថយន្តសាម៉ុយដឹកយកទៅសង្គ្រោះភ្លាមៗ។
ក្រោយកើតហេតុសមត្ថកិច្ចមូលដ្ឋានសហការជាមួយនិងជំនាញចរាចរណ៍ចុះមកដល់រួចធ្វើរការវាស់វែងយករថយន្តបង្កនិងម៉ូតូទៅរក្សាទុកនៅអធិការដ្ឋាននគរបាលខណ្ឌពោធិ៍សែនជ័យរង់ចាំដោះស្រាយតាមផ្លូវច្បាប់៕
រក្សាសិទ្ធិដោយ៖ សា មេត
