សៀមរាប ÷ ស្ត្រីម្នាក់ត្រូវចោរយកក្រដាសញ៉ុកចូលមាត់ព្រមទាំងយកកាវចាក់ចូលបន្ថែមទៀតរួចដោះខ្សែកមាសគេចខ្លួនបាត់។
ហេតុការណ៍បានកើតឡើងនៅភូមិតាសោម ឃុំតាសោម ស្រុកអង្គរជុំខេត្តសៀមរាបកាលពីរសៀលថ្ងៃទី៣០ខែមីនាឆ្នាំ២០២១។ ស្ត្រីរងគ្រោះមានឈ្មោះយ៉ម រួម អាយុ៦៨ឆ្នាំ ស្នាក់នៅចំនុចកើតហេតុខាងលើ។
តាមការរៀរាប់ពីស្ត្រីរងគ្រោះខាងលើបានឲ្យដឹងថា÷មិនពេលកើតហេតុរូបគាត់បានសម្រាកលង់លក់ស្រាប់តែជនសង្ស័យបានលបចូលមកយកក្រដាសញ៉ុកចូលក្នុងមាត់គាត់រួចចាក់កាវចូលកំុឲ្យស្រែកខណ:រូបគាត់ភ្ញាក់ដឹងខ្លួនហើយបានប្រតាយប្រតបជាមួយនិងចោរតែរូ បគាត់ស្រែកលែងរួចទើបចោរដោះយកខ្សែកមាសរបស់គាត់អស់មួយតម្លឹងរួចគេចខ្លួនបាត់ស្រមោលតែម្តង។
ដោយឡែកសមត្ថកិច្ចស្រុកអង្គរជុំបានឲ្យដឹងដែរថា៖ករណីប្លន់នេះបង្កឡើងដោយជនមិនស្គាល់អត្តសញ្ញាណបានធ្វើសកម្មភាពចាប់បញ្ច្រកក្រដាសចូលទៅក្នុងមាត់ស្ត្រីម្នាក់រួចយកកាវវិទ្យាសាស្ត្រចាក់ចូលបន្ថែមទៅក្នុងមាត់ជនរងគ្រោះខណៈកំពុងដេកក្នុងអង្រឹងហើយដោះយកខ្សែកមាសទម្ងន់១តម្លឹងគេចខ្លួនបាត់។
ករណីនេះសមត្ថកិច្ចបានចុះស្រាវជ្រាវតាមនិងតាមចាប់ជនសង្ស័យយកមកផ្តន្ទាទោសតាមច្បាប់នៅពេលក្រោយ៕
រក្សាសិទ្ធិដោយ៖ សួង សាម