ភ្នំពេញ÷ ប្រជាការពារម្នាក់នៅក្នុងសង្កាត់វាលស្បូវត្រូវបានអណ្តាតភ្លើងឆាបឆេះពេញខ្លួនរងរបួសធ្ងន់បន្ទាប់ពីឆ្លងចរន្តអគ្គិសនីឆេះឃ្លាំស្តុកទំនិញនិងសម្ភារះមួយចំនួន។ នៅក្នុងរដ្ឋបាលសង្កាត់វាលស្បូវបង្កការភ្ញាក់ផ្អើលដល់សមត្ថកិច្ចនិងខាងអន្តរាគមន៍ពន្លត់អគ្គិភ័យចុះមកបាញ់ពន្លត់ឲ្យរលត់ភ្លាមៗ។
ហេតុការណ៍ភ្ញាក់ផ្អើលមួយដែលកើតឡើងនៅវេលាម៉ោង ១ និង០០នាទីយប់រំលងអធ្រាត្រឈានចូលថ្ងៃសុក្រទី២ ខែមេសាឆ្នាំ ២០២១ចំណុចនៅក្នុងរដ្ឋបាលសង្កាត់វាលស្បូវ ដែលស្ថិតនៅតាមបណ្ដោយផ្លូវជាតិលេខ១ សង្កាត់វាលស្បូវ ខណ្ឌច្បារអំពៅ រាជធានីភ្នំពេញ។
ជនរងគ្រោះ មានឈ្មោះ មៀន ភេទប្រុស អាយុ៣០ ឆ្នាំជាង មុខរបរជាប្រជាការពារនៅសង្កាត់វាលស្បូវ បច្ចុប្បន្នស្នាក់នៅកន្លែងកើតហេតុខាងលើ។
បើយោងតាមប្រភពព័ត៌មានពីខាងរដ្ឋបាលសង្កាត់វាលស្បូវបានឲ្យដឹងថាដោយឃ្លាំងស្តុកទំនិញនិងសម្ភារមួយនេះគាត់បានឲ្យប្រជាការពារឈ្មោះមៀនស្នាក់នៅក្នុងនោះហើយជួយមើលការខុសត្រូវសម្ភារនៅក្នុងឃ្លាំងនោះផងដែរ ខណៈមកដល់ពេលកើតហេតុខាងលើសង្ស័យថាឆ្លងចរន្តអគ្គិសនីបណ្តាលឲ្យឃ្លាំងនោះឆាបឆេះយ៉ាងសន្ធោសន្ធៅដោយជនរងគ្រោះជាប្រជាការពារជាប់នៅក្នុងនោះបានស្រែករកឲ្យគេជួយដោយរកផ្លូវចេញអត់ឃើញព្រោះអណ្តាតភ្លើងឆេះខ្លាំងពេករួចហើយក៏បានអ្នកជិតខាងចូលទៅជួយបានចេញ មកក្រៅដោយសភាពរូបរាងរបស់គាត់ត្រូវបានភ្លើងឆាបឆេះសឹងតែពេញខ្លួនទៅហើយនិងរងរបួសធ្ងន់ត្រូវបានសមត្ថកិច្ចជួយលើកដាក់លើកង់បីដឹកយកទៅសង្គ្រោះបន្ទាន់ភ្លាមៗផងដែ។
ក្នុងករណីគ្រោះអគ្គិភ័យខាងលើនេះរថយន្តពន្លត់អគ្គិភ័យមកដល់៥ ប្រើប្រាស់អស់ទាំង៥គ្រឿង។
ការិយាល័យមក៣គ្រឿង ខាងបុរីប៉េងហួត មកដល់ ២ គ្រឿង ប្រេីប្រាស់ទឹកអស់១គ្រឿង៕
រក្សាសិទ្ធិដោយ៖ សា មេត
