ក្រុមគ្រូពេទ្យបង្អែកច្បារអំពៅ ចុះមកយកបុរសម្នាក់ទៀត ដែលជាអ្នកដឹកអីវ៉ាន់នៅផ្សារអូឬស្សី

ភ្នំពេញ ÷ អ្នកដឹកអីវ៉ាន់នៅផ្សារអូឬស្សី ត្រូវរកឃើញវិជ្ជមានកូវីដ១៩ ម្នាក់ នៅមុខនេះក្រុមគ្រូពេទ្យបង្អែកច្បារអំពៅ ចុះយកអ្នកវិជ្ជមានកូវីដ១៩ ម្នាក់ នៅស្ទឹងមានជ័យទី១ ។

នៅវេលាម៉ោង ១៥និង៤០នាទី ថ្ងៃទី៦ ខែមេសា ឆ្នាំ២០២១ នៅចំណុច ផ្ទះលេខ៧៨បេ ជាន់ទី១ បន្ទប់ជួលលេខ ២ ក្រុមទី៤ ភូមិមានជ័យ សង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ ។

ក្រុមគ្រូពេទ្យបង្អែកច្បារអំពៅ បានចុះយកអ្នកវិជ្ជមានកូវីដ១៩ ម្នាក់ ឈ្មោះ សេង ចាន់ពន្លឺ ប្រុស អាយុ ២២ឆ្នាំ មុខរប ដឹកអីវ៉ាន់នៅផ្សារអូឬស្សី ស្រុកកំណើត ភូមិ តាកុច ឃុំ ស្រង៉ែ ស្រុកព្រៃឈរ ខេត្តកំពង់ចាម ។

បច្ចុប្បន្ន អ្នកជំងឺខាងលើត្រូវបាន ក្រុមគ្រូពេទ្យ បញ្ជូនទៅកាន់ មន្ទីរពេទ្យហ្លួងម៉ែ ។

ចំពោះទីតាំង បន្ទប់លេខ២ ជាន់ទី១ ត្រូវបាន សាមុីខ្លួនចាក់សោ កម្លាំងគណៈបញ្ជាការឯកភាព សង្កាត់ស្ទឹងមានជ័យទី១ ហ៊ុមព័ទ្ធបណ្តោះអាសន្ន ៕ រក្សាសិទ្ធិដោយ÷សួង សាម