ភ្នំពេញ ៖ អ្នកជួលបន្ទប់ចំនួន៣០០គ្រួសារ មកទទួលស្បៀងអាហារ ពីម្ចាស់បន្ទប់ជួលក្នុងមួយបន្ទប់ ទទួលបានអង្ក១០គីឡូក្រាម មីកន្លះកេះ ទឹកសុទ្ធសុទ្ធ១យួរ ទឹកត្រី១ដបសាប៊ូមួយកញ្ចប់។
ដោយម្ចាស់បន្ទប់ជួលគាត់បានបរិច្ចាគថវិការផ្ទាល់ ដើម្បីជួយដោះស្រាយទុក្ខលំបាក របស់ក្រុមកម្មករដែលកំពុងតែជួបការខ្វះខាត ខណះដែលជំងឺឆ្លងដ៏កាចសាហាវកូវីដ ១៩ ដែលកំពុងតែឆ្លងរាលដាលយ៉ាងគំហុក នៅខណ្ឌមានជ័យ ដែលជាតំបន់ក្រហម ហើយត្រូវបានរាំងខ្ទប់ដោយអាជ្ញាធរមានសមត្ថកិច្ច ដើម្បីកាត់ផ្តាច់នៃការឆ្លងជំងឺកូវីដ១៩នេះ។
ទើបនៅព្រឹកថ្ងៃទី២៦ខែមេសាឆ្នាំ២០២១ នៅចំនុចបន្ទប់ជួលមួយកន្លែង ស្ថិតនៅតាមបណ្តោយផ្លូវវែងស្រេង ភូមិដំណាក់ធំ២ សង្កាត់ស្ទឹងមានជ័យទី៣ ខណ្ឌមានជ័យ លោកស្រី អេង ចាន់ធួក និងក្រុមគ្រួសារ ដែលជាម្ចាស់បន្ទប់ជួល បានសុំការអនុញ្ញាតពីអាជ្ញាធរ សុំធ្វើការការចែកស្បៀងអាហារ ដល់អ្នកជួលបន្ទប់ចំនួនជាង៣០០គ្រួសារ និងប្រកាសបញ្ចុះតម្លៃ៥០ភាគរយ ដល់បងប្អូនកម្មករកម្មាការិនី ដែលកំពុងតែជួលបន្ទប់របស់គាត់ទាំងអស់ រយៈពេល២ខែ៕រក្សាសិទ្ធិដោយ ៖សួង សាម
