សុនខ ម្តាយឈ្មោះ Jossie បានទ្រាំទ្រអស់រយៈពេល៦ម៉ោង ដើម្បីបង្កើតបានកូនចំនួន១៥ក្បាល សុទ្ធសឹងមានសុខភាពមាំមួន។
សុនខ ១៥ក្បាលដែលទើបនឹងកើត
តាមកាសែត Metro សុនខម្តាយពូជ Rottweiler មានឈ្មោះ Jessie បានធ្វើឲ្យម្ចាស់របស់វាភ្ញាក់ផ្អើលយ៉ាងខ្លាំង គ្រាបង្កើតកូនបានដល់ទៅ១៥ក្បាល។
Eleanor Usher អាយុ៤៧ឆ្នាំ ដែលជាម្ចាស់ ឲ្យដឹងថា នាងប៉ាន់ប្រមាណថា សុនខដែលមានរាងពុំធំប៉ុន្មាននោះយ៉ាងច្រើនមានកូន៥ប៉ុណ្ណោះ ស្មានពុំដល់ថា វាមានចំនួនបីដងលើសពីការស្មាន។
នៅអំឡុងម៉ោង២ភ្លឺ ថ្ងៃទី២២ ខែ១០ Jossie វាចាប់ផ្តើមឈឺពោះ រួចក៏បង្កើតកូននៅក្រោមជណ្តើរផ្ទះរបស់គ្រួសារ។ ក្រោយពេលវាបង្កើតបានកូនទី៦ គ្រួសាររបស់នាងគិតថា អស់ហើយ តែពុំនឹកស្មានសោះថា Jossie បន្តបង្កើតកូនទៀតរហូតដល់…១៥ក្បាល ពេលនោះម៉ោង ៨ព្រឹក ។
បច្ចុប្បន្នវាជាសុនខមានកូនច្រើនបំផុតនៅអង់គ្លេស។
មេសុនខ និងកូនៗរបស់វា
ក្រោយពេលបង្កើតកូនរួច Jossie ទៅជាកាចខ្លាំងណាស់ វាពុំឲ្យនរណាផ្តល់ចំណីដល់កូនវាទេ។ កូនឆ្កែទាំង ១៥ក្បាល ប្រលែងគ្នាលេង ហើយបៅដោះម្តាយប៉ុណ្ណោះ។
Eleanor បានត្រឹមដាក់ឈ្មោះឲ្យសុនខតូចជាងគេ គឺ Daisy ហើយធំបំផុតគឺ Walter ប៉ុណ្ណោះ ព្រោះក្រៅពីនោះគឺស្រដៀងគ្នា ពុំទាន់អាចសម្គាល់បាន៕