កាកបាទក្រហមកម្ពុជាខេត្តកណ្តាល ថ្លែងអំណរគុណអ្នកឧកញ៉ា គិត ម៉េង

ខេត្តកណ្តាល ៖ បន្ទាប់ពីអ្នកឧកញ៉ា គិត ម៉េង និង លោកជំទាវ ម៉ៅ ចំណាន បានឧបត្ថម្ភថវិកា ១ម៉ឺនដុល្លារ ជូនគណៈកម្មាធិការសាខាកាកបាទក្រហមកម្ពុជា ខេត្តកណ្តាលរួចមក ឯកឧត្តម គង់ សោភ័ណ្ឌ អភិបាលខេត្តកណ្ដាល បាន ថ្លែងអំណរគុណយ៉ាងជ្រាលជ្រៅបំផុត ជូនចំពោះ អ្នកឧកញ៉ា គិត ម៉េង និងលោកជំទាវ។

អ្នកឧកញ៉ា គិត ម៉េង និង លោកជំទាវ ម៉ៅ ចំណាន បានឧបត្ថម្ភថវិកា ១០.០០០ ដុល្លារ ដើម្បីអបអរខួបទី១៥៨ ទិវាពិភពលោក កាកបាទក្រហម និងអឌ្ឍចន្ទក្រហម ៨ឧសភា ២០២១ ក្រោមប្រធានបទ «ទាំងអស់គ្នារួមជាមួយកាកបាទក្រហមកម្ពុជា ប្រយុទ្ធនឹងជំងឺកូវីដ-១៩ និងកសាងភាពធន់របស់សង្គមជាតិ»។

ឯកឧត្តម អភិបាលខេត្តកណ្ដាល បានបន្តថា សាខាកាកបាទក្រហមកម្ពុជាខេត្តកណ្តាល នឹងយកចិត្តទុកដាក់ប្រើប្រាស់អំណោយដ៏សប្បុរសនេះ ប្រកបដោយតម្លាភាពក្នុងការបម្រើសកម្មភាពមនុស្សធម៌ ជួយដល់ជនងាយរងគ្រោះ និងជនរងគ្រោះដោយគ្រោះធម្មជាតិ និងគ្រោះមហន្តរាយផ្សេងៗ៕រក្សាសិទ្ធិដោយ៖CEN