នេះបើយោងតាមរដ្ឋបាលខេត្តបន្ទាយមានជ័យ បានចេញសេចក្តីជូនដំណឹងដល់សាធារណជន ជាពិសេសអាជ្ញាធរខេត្តស្រះកែវ ប្រទេសថៃ ឲ្យដឹងថា វិធានការបិទខ្ទប់ខេត្តជាប់ព្រំដែនរយៈពេល ១៤ថ្ងៃ ដើម្បីប្រយុទ្ធប្រឆាំងនឹងការឆ្លងរាលដាលក្នុងសហគមន៍កូវីដ-១៩ ប្រភេទដែលតា(Delta) នឹងត្រូវបញ្ចប់នៅម៉ោង ២៣:៥៩នាទី ថ្ងៃទី១២ ខែសីហា ឆ្នាំ២០២១។
ដូចនេះ រដ្ឋបាលខេត្តបន្ទាយមានជ័យ នឹងបេីកដំណើរការព្រំដែនឡើងវិញ ចាប់ពីម៉ោងសូន្យ ថ្ងៃទី១៣ ខែសីហា ឆ្នាំ ២០២១ តទៅ។
សូមបញ្ជាក់ថា តាមរយៈការបើកឲ្យដំណើរការឡើងវិញនេះផងដែរ កងកម្លាំងនៅខេត្តបន្ទាយមានជ័យ ក៏បានត្រៀមរថយន្តរួចរាល់ ក្នុងការដឹកពលករខ្មែរជាច្រើនរយនាក់ ដែលកំពុងជាប់គាំងនៅព្រំដែនក្នុងទឹកដីប្រទេសថៃ ដើម្បីអាចចូលមកក្នុងប្រទេសកម្ពុជាវិញ ហើយបន្ទាប់មក នឹងដឹកពួកគេទៅកាន់ស្រុកកំណើត នៃខេត្តរបស់ពួកគេរៀងៗខ្លួន ដើម្បីធ្វើីចត្តាឡីស័ក និងក៏ដូចចាក់វ៉ាក់សាំងការពារជំងឺកូវីដ១៩ ជូនពួកគេផងដែរ៕ រក្សាសិទ្ធិ៖ លឹម ហុង
