ប្រិយមិត្តមួយចំនួនធំ ជឿជាក់ថា បានស្គាល់រួចហើយ អតីតតារាចម្រៀងភ្លេងរីខត សុខ ចិន្តា ហៅ វ៉ាន់ នីឡា ដែលបានឃ្លាតឆ្ងាយពីសិល្បៈទាំងស្រុង អស់រយៈពេលច្រើនឆ្នាំមកហើយ។ តែទោះយ៉ាងណា រូបនាងនៅតែទទួលបានការចាប់អារម្មណ៍តាមដាន ដោយមានការចូលខមិនលេងសើចជាហូរហែ ទៅនឹងការផុសរឿងរ៉ាវផ្សេងប្រចាំថ្ងៃរបស់នាង នៅលើបណ្តាញសង្គម ពីសំណាក់មហាជន ជាពិសេសហ្វេនៗជាអ្នកគាំទ្រតែម្តង។
តែយ៉ាងណាមិញ ក្រោយឃើញបុរសអ្នករត់កង់បីឥណ្ឌា បានធ្វើទង្វើដ៏ល្អខ្លាំងពេក យករបស់ទ្រព្យភ្ញៀវភ្លេចរាប់ពាន់ដុល្លារ យកទៅជូនភ្ញៀវវិញដល់ដៃ ប៉ុន្តែ ភ្ញៀវបែរជាជូនសគុណត្រឹម ២០ ដុល្លារ ប៉ុណ្ណោះ ស្រាប់តែធ្វើឲ្យនាង ក៏ហាក់សម្តែងការហួសចិត្ត ដែលមិនខុសពីចំណោមមហាជនដទៃ នាំគ្នាបានរិះគន់នោះទេ។
ក្នុងនោះ វ៉ាន់ នីឡា បានពោលពាក្យប៉ុន្មានម៉ាត់ រៀបរាប់ពីរឿងរូបនាងបានជួបខ្លួនឯងផ្ទាល់ពីមុន ភ្លេចក្រវិលត្រឹម១ចំហៀង ជូនសារគុណពូ PassApp មិនតិចលុយ ដោយនាងបានរៀបរាប់ឲ្យដឹងថា៖ នេះជាសាររបស់ វ៉ាន់ នីឡា ដែលនាងបានរៀបរាប់ កាលមុនខ្ញំុខ្ចប់ក្រវិលខ្ញំុមួយជំហាងក្នុងលុយក្រដាស់5000រៀល ហើយខ្ញំុជិះតុតុ ដល់ពេលដល់កន្លែងសួរគាត់ថាអស់ម៉ាន គាត់ថា5000 ក៏ដកលុយដែលខ្ចប់ក្រវិលអោយគាត់ បួនម៉ោងក្រោយបានខ្ញំុឆ្លេឆ្លា ក៏ទៅរកកន្លែងហាងអ៊ុតសក់ដែលគេជួយហៅតុតុអោយ ទៅដល់គាត់ថាគាត់អត់ស្គាល់ពូនិងទេ ស្រាប់តែអ្នករត់តុៗនៅជាប់ហាងកាហ្វេក្បែអ៊ុតសក់សួរនាំ គាត់ក៏និយាយថា “អូខ្ញំុបានឃើញក្មួយជិះតុតុព្រឹកមិញពូស្គាល់ម្នាក់នុង ចាំពូអោយលេខ . ខ្ញំុក៏តេរទៅពូតុតុ រៀបរាប់តាមសាច់រឿង ភ្លាមៗនោះ គាត់បានប្រាប់អោយប្រពន្ធគាត់ទៅរកមើលលុយ5000R ក្នុងហោប៉ៅគាត់ ព្រោះគាត់អត់ទាន់បានរើុទេ ហើយក៏ឃើញក្រវិលនោះ គាត់ថាគាត់យកអោយវិញអីលូវខ្ញុំក៏អោយគាត់ 50$ គាត់ថាអត់យកទេច្រើនណាស់តែខ្ញំុថាយកទៅពូអត់អីទេ ពេលនោះព្រលឹងហោះ អត់នៅក្នងខ្លួនទេ។
គួរបញ្ជាក់ថា កាលពីម្សិលមិញនេះ ថ្ងៃទី១១ ខែសីហា ឆ្នាំ២០២១ បុរសអ្នករត់កង់បីឥណ្ឌាម្នាក់ បានធ្វើឲ្យមហាជនកោតសរសើរជាខ្លាំង ពីទង្វើដ៏ល្អកម្ររករបស់គាត់ គឺក្រោយភ្ញៀវភ្លេចរបស់ទ្រព្យនៅលើកង់បី តែគាត់មិនមានចិត្តចង់បានឡើយ ដោយគាត់បានទាក់ទងទៅម្ចាស់ ហើយនៅទីបំផុត ក៏បានប្រគល់កាបូបលុយរាប់ពាន់ដុល្លារ និងទូរស័ព្ទទំនើបៗ២គ្រឿង ដល់ដៃម្ចាស់វិញ ដោយមិនឲ្យបាត់បង់សូម្បីមួយរៀលនោះទេ៕ រក្សាសិទ្ធិដោយ៖ លឹម ហុង
