ខណៈដែលអាសនៈបែងចែកពីគណបក្សសង្គ្រោះជាតិ មិនទាន់បានផង មានមន្ត្រីគណបក្សហ្វ៊ុនស៊ិនមួយចំនួនជ្រួលច្របលល់រត់ការចង់បានតំណែងបាត់ទៅហើយ។
នៅវេលាម៉ោង៩ព្រឹក ថ្ងៃទី២៧ ខែតុលា ឆ្នាំ២០១៧ គណបក្សហ្វ៊ុនស៊ិនប៉ិច ធ្វើសន្និសីទកាសែតអំពីស្ថានភាពនយោបាយនៅកម្ពុជា និងអំពីការទទួលយកអាសនៈដែលបែងចែក។ សន្និសីកាសែតនេះ ធ្វើនៅទីស្នាក់ការគណបក្សហ្វ៊ុនស៊ិនប៉ិច ជ្រោយចង្វារ។
លោកញ៉េប ប៊ុនជិន អ្នកនាំពាក្យគណបក្សហ្វ៊ុនស៊ិនប៉ិច បានថ្លែងថា សន្និសីទនេះទាក់ទងការប្តឹងលោកលឺ ឡាយស្រេង ប្រមាថព្រះចេស្តារព្រះមហាក្សត្រ និងមួរបង្កាច់សម្តេចក្រុមព្រះ នរោត្តម រណឫទ្ធិ ទទួលលុយ១លានដុល្លារពីសម្តេចតេជោ ហ៊ុន សែន យកមកចែកគ្នាបានម្នាក់២ម៉ឺនដុល្លារ។ ដោយលោកបញ្ជាក់ថា ព្រះអង្គមិនដែលយកលុយពីអ្នកណាទេ និងអត់បានទទួលសំណូកមកពីណាទេគឺតាមលទ្ធភាពគណបក្ស។
អ្នកនាំពាក្យគណបក្ស ហ្វ៊ុនស៊ិនប៉ិច បានបញ្ជាក់ថា គណបក្ស ហ្វ៊ុនស៊ិនប៉ិច នឹងទទួលយកការបែងចែកអាសនៈរបស់គណបក្សសង្គ្រោះជាតិ ពីព្រោះច្បាប់មានអស់ហើយ។ លោកបញ្ជាក់ថា មិនមានមន្ត្រីណារត់ការចង់បានតំណែងតំណាងរាស្ត្រនោះទេ ហើយអ្នកណាដែលហ៊ានបង្កបញ្ហារឿងរត់ការនេះ គឺមន្ត្រីនោះនឹងយកមកទុកមួយកន្លែង។ ពីព្រោះសម្តេចក្រុមព្រះ មានច្បាប់ទម្លាប់ច្បាស់លាស់៕ ដោយ ៖ មុនីរាជ
