ភ្នំពេញ៖ ទីបំផុត ហាងលក់ទំនិញរាយរបស់ថៃ 7-Eleven បានសម្ពោធដាក់ឲ្យដំណើរការជាផ្លូវការនៅកម្ពុជាកាលពីថ្ងៃទី៣០ សីហា ឆ្នាំ២០២១នេះ ដែលមានសាខាទីមួយនៅសង្កាត់ជ្រោយចង្វារ រាជធានីភ្នំពេញ។ នេះគឺជាជំហានដ៏សំខាន់មួយសម្រាប់ CP ALL ក្នុងការរីកលូតលាស់ចូលបណ្តាប្រទេសនៅអាស៊ាន។ ហាង 7-Eleven និងផ្តោតលើការធ្វើអាជីវកម្មជាមួយនឹងការបង្កើតគុណតម្លៃសម្រាប់សង្គមកម្ពុជានិងការផ្តល់និងការចែករំលែកឱកាស។
លោក Chairoj Tiwatmuncharoen អនុប្រធានជាន់ខ្ពស់នៃក្រុមហ៊ុន CP ALLលីមីតធីត បាននិយាយថាយោងតាមក្រុមហ៊ុន CP ALL (ខេមបូឌា) ខូអិលធីឌី ដែលជាបុត្រសម្ព័ន្ធរបសើក្រុមហ៊ុន CP ALL បានចុះកិច្ចព្រមព្រៀងធ្វើអាជីវកម្មសិទ្ធិផ្តាច់មុខសម្រាប់ប្រតិបត្តិការរបស់ហាង 7-Eleven នៅកម្ពុជាជាមួយក្រុមហ៊ុន 7-Eleven Inc ចាប់តាំងពីឆ្នាំមុន។
ពិធីសម្ពោធនេះ មានការចូលរួមពី លោកជំទាវ តោ ពិឡា តំណាងមកពីក្រសួងពាណិជ្ជកម្មកម្ពុជា និង លោក Jirawut Suwanart រដ្ឋមន្រ្តីពាណិជ្ជកម្មនិងកុងសូលប្រចាំស្ថានទូតថៃនៃព្រះរាជាណាចក្រកម្ពុជា ព្រមទាំងលោក Supachai Verapuchong អនុប្រធាន នៃសមាគមមិត្តភាពកម្ពុជា ថៃ។
លោក Chairoj បានថ្លែងថា « ការបើកដំណើរការហាង 7-Eleven ដំបូងគេនៅកម្ពុជានាពេលបច្ចុប្បន្ននេះគឺជារឿងសំខាន់និងជានិមិត្តរូបនៃមិត្តភាពនិងទំនាក់ទំនងល្អរវាងប្រទេសទាំងពីរ រដ្ឋាភិបាលនិងប្រជាជន។ ដូចគ្នានេះផងដែរវាគឺជាចំណុចចាប់ផ្តើមសម្រាប់ក្រុមហ៊ុន CP All Group ក្នុងការពង្រឹងគុណភាពជីវិតរបស់ប្រជាជនកម្ពុជាតាមរយៈការផ្តល់ផលិតផលនិងសេវាកម្មប្រកបដោយគុណភាព»។
លើសពីនេះទៀតក្រោមតម្លៃនៃអត្ថប្រយោជន៍ ៣ យ៉ាងរបស់ក្រុមហ៊ុន Charoen Pokphand Group ដែលរួមបញ្ចូលទាំងការបង្កើតផលប្រយោជន៍សម្រាប់ប្រទេសជាតិប្រជាជននិងក្រុមហ៊ុន។ CP All (កម្ពុជា) បានកំណត់គោលនយោបាយក្នុងការធ្វើអាជីវកម្មដោយផ្តោតលើការបង្កើតផលប្រយោជន៍សម្រាប់ប្រទេសនិងបង្កើតតម្លៃសម្រាប់សង្គមក្នុងនាមជាសមាជិកនៃសង្គមកម្ពុជា។
ក្រុមហ៊ុន CP All (Cambodia) ក៏មានគម្រោងបើកហាង 7-Eleven នៅតាមតំបន់មួយចំនួនផងដែរក្នុងឆ្នាំនេះ ដើម្បីគ្របដណ្តប់នូវភាពសមស្របនៃបរិយាកាសដែលមិនធ្លាប់មាន ជាមូលដ្ឋានសាខាជ្រោយចង្វារផ្តល់ជូននូវការជ្រើសរើសផលិតផលដែលមានគុណភាពជាង ២០០០ មុខរួមទាំងភេសជ្ជៈ ដែលមានឈ្មោះថាស្លរភីក៏ដូចជាភេសជ្ជៈថ្មីៗ យីហោកាហ្វេ Café ALL ជាជម្រើសសម្រាប់អតិថិជន។ នៅពេលអនាគតនឹងមានការអប់រំនិងអភិវឌ្ឍផលិតផលដើម្បីបំពេញតាម ជម្រើសរបស់ប្រជាជនកម្ពុជា និងតែងតែនាំមកនូវការពេញចិត្តខ្ពស់បំផុតដល់អតិថិជន៕