ភ្នំពេញ-ពិតជាថ្មីហើយប្លែកដែលមិនធ្លាប់មានពីមុនមក ក៏ព្រោះតែថ្មីៗនេះ គេឃើញតារាចម្រៀង អេឡិច ចាន់ត្រា បានចាប់ដៃគូជាមួយនឹងតារាចម្រៀង ទីម ដែលជាអតីតតារាចម្រៀងក្នុងផលិតកម្មរ៉ុក។ ទីម ក៏ជាតារាចម្រៀងដែលមានទេពកោសល្យ ផ្នែកនិពន្ធទំនុកបទភ្លេងថ្មីផងដែរ។
តាមរយៈបទចម្រៀងមួយបទ បកស្រាយរួមគ្នារវាងតារាចម្រៀង អេឡិច ចាន់ត្រា និង តារាចម្រៀង ទីម ក្រោមចំណងជើងថា “ហេលហាល” ឃើញថា មានសន្ទុះខ្ពស់ខណៈពេលដែលបទចម្រៀង មនោសញ្ចេតនាមួយបទនេះ កំពុងចាក់ដោតអារម្មណ៍របស់អ្នកស្តាប់។
នេះជាលើកដំបូងដែលតារាចម្រៀង អេឡិច ចាន់ត្រា បានចេញបទចម្រៀងOriginal Song ហើយអេឡិច សង្ឃឹមថាតាមរយៈបទចម្រៀងមួយបទនេះ នឹងជួយជ្រោមជ្រែងបទចម្រៀង Original ទាំងអស់ឲ្យមានទឹកចិត្តក្នុងការនិពន្ធបទចម្រៀងថ្មី មិនចម្លងស្នាដៃពីគេ។
អីចឹង! នាំគ្នាស្តាប់បទចម្រៀងថ្មី របស់ អេឡិច ចាន់ត្រា ច្រៀងរួមគ្នានឹងតារាចម្រៀង លោក ទីម ថាមានអត្ថន័យពិរោះប៉ុណ្ណា ! ៕ ដោយ-គីម ស្រីរ័ត្ន
