ករណីឆក់ខ្សែ.ក ពុំមែនកើតឡើងតែតាមដងផ្លូវសាធារណៈនោះទេ តែវាអាចកើតឡើងនៅក្នុងផ្ទះរបស់អ្នកបាន ។ ជាក់ស្តែង ដូចក្នុងវីដេអូនេះអីចឹង ដែលបានកើតឡើងនៅក្នុងប្រទេសឥណ្ឌា វាជាមេរៀនមួយសម្រាប់ស្ត្រីគ្រប់រូប ជាពិសេសអ្នកលក់ដូរទាំងឡាយ មិនថានៅតាមផ្ទះ ឬ តាមតូបទីសាធារណៈផ្សេងៗ ត្រូវប្រុងប្រយ័ត្នខ្លួនជានិច្ច ចំពោះអតិថិជនចម្លែកៗរបស់ខ្លួន ។
តាមរយៈវីដេអូឃ្លីប បានបង្ហាញឲ្យឃើញបុរសម្នាក់ ស្ថិតក្នុងសម្លៀកបំពាក់អាវយឺតពណ៌ប្រផេះ និងពាក់វ៉ែនតាខ្មៅ បានចូលមកធ្វើជាទិញផលិតផលអ្វីមួយ នៅក្នុងផ្ទះស្ត្រីអ្នកលក់ម្នាក់ ស្ថិតក្នុងកាយវិការក្រឡេកឆ្វេង-ស្តាំ ។ បន្ទាប់មក បុរសដែលជាចោររូបនោះ បានទិញភេសជ្ជៈ១ដបរួចហើយ រូបក៏ធ្វើជាបន្តទិញរបស់ផ្សេងទៀត ។
ដោយតែឱកាសល្អពុំទាន់ផ្តល់ឲ្យ ចោររូបនេះបានធ្វើលេសជាពុំត្រូវចិត្ត នៅពេលអ្នកលក់ទាញផលិតផលមួយឲ្យមើលជាលើកទី១ និងយកដៃចង្អុលសំដៅ «អាមួយនោះ មិនមែនអាហ្មឹងទេ» ។ ប៉ុន្តែ នៅពេលស្ត្រីអ្នកលក់បានខិតមកកៀកដៃឱកាសល្អទៅហើយ ចោររូបនេះ ក៏ប្រើល្បិចធ្វើជាចង្អុលទៅកាន់របស់ដែលខ្លួនត្រូវចិត្ត ហើយខណៈស្ត្រីអ្នកលក់បែរទៅរកផលិតផលនោះភ្លែត ស្រាប់តែចោររូបនេះ ស្រវ៉ាឆក់ខ្សែ.ករបស់នាងយ៉ាងរហ័ស និងរត់ចេញយ៉ាងលឿន សំដៅទៅកាន់គ្នីគ្នារបស់គេ ដែលកំពុងរង់ចាំម៉ូតូនៅផ្លូវរួចស្រេច ៕ ចន្ទី
សូមមើលវីដេអូខាងក្រោម ដើម្បីទុកជាមេរៀនប្រុងប្រយ័ត្នទាំងអស់គ្នា៖