ការកែនទាហាននៅឯប្រទេសថៃមានជារៀងរាល់ឆ្នាំ ដោយការកែនទាហាននេះគឺនឹងមានការអោយយុវជនចាប់ឆ្នោតដើម្បីផ្សងថាសំណាងរបស់គេបានពណ៌មួយ ពណ៌ខ្មៅគឺរួចខ្លួន ចំណែកឯពណ៌ក្រហមវិញគឺត្រូវចូលហាត់ទាហានដោយមិនមានការប្រកែក។ រៀងរាល់ឆ្នាំគឺមានទាំងព្រះសង្ឃ និងណព្វៗភេទទី៣ ទាំងកែភេទនិងទាំងមិនទាន់កែភេទ ត្រូវតែមកចូលរួមមិនអោយខាន តែបើក្នុងករណីចាំបាច់បុគ្គលនោះអាចយកឯកសារ មកបញ្ចាក់ថាគេមានបញ្ហាសុខភាពឬសុំរៀនអោយចប់សិនឬបញ្ហាចម្បងណាមួយនោះ ខាងស្ថាប័ននិងពិនិត្យមើលតាមការគួរ តែការពន្យានេះគឺមានសុពលភាពតែ១ឆ្នាំៗទេ ឆ្នាំក្រោយបើមិន អាចមកគឺត្រូវបញ្ជាក់ឡើងវិញ ហើយការពន្យានេះគឺអាចធ្វើបានតែ ៣ដងប៉ុណ្ណោះ បើគ្រប់ចំនួនហើយនោះនៅតែមានហេតុផលសម្រាប់គេចវេស បុគ្គលនោះនឹងត្រូវមានទោសតាមច្បាប់។
ហើយនេះគឺជាសកម្មភាពក្នុងថ្ងៃកែនទាហានក្នុងឆ្នាំ២០១៨នេះ កាលពីថ្ងៃទី០២ មេសា នៅឯស្រុក ភិស្នុលោក ដោយឆ្នាំនេះមានយុវជនដែលគ្រប់អាយុ ៤៩៨នាក់ ត្រូវការរើសយក៩៧នាក់ ក្នុងចំនួននោះ ដើម្បីមកបំពេញកាតព្វកិច្ចយោធាហើយមានអ្នកសុំខ្លួនចូលដោយស្ម័គ្រចិត្តដើម្បីបម្រើជាតិចំនួន ៤៨នាក់ផងដែរ៕ ក្ខិណី
