ការវះកាត់ផ្នែកវេជ្ជសាស្ត្រ បានកើតមានជាយូរមកហើយៗ ទន្ទឹមជាមួយនឹងការរីកចម្រើននៃបច្ចេកវិទ្យាទំនើបបច្ចុប្បន្ននេះ នោះមនុស្សជាច្រើនបានទទួលប្រយោជន៍ជាទីពេញចិត្ត ជាពិសេសសម្រាប់បុរសភេទទីបីតែម្តង ។ ដូចនេះ ការសម្គាល់ស្ត្រីពិតប្រាកដពីភាពមិនប្រក្រតី ហាក់កាន់តែមានភាពស្មុគស្មាញជាង ។ ជាក់ស្តែង បុរសបែលហ្ស៊ិកមួយរូបបានឆ្លងកាត់រឿងបែបនេះ ហើយបានរកឃើញថាវាយឺតពេលទៅហើយ ដែលភរិយារបស់គាត់បានកើតមកជាមនុស្សប្រុស ។
បុរសសញ្ជាតិបែលហ្ស៊ិកម្នាក់ ដែលគ្រាន់ប្រាប់ឈ្មោះ Jan អាយុ ៦៤ ឆ្នាំ បានរៀបការជាមួយប្រពន្ធជនជាតិឥណ្ឌូនេស៊ីម្នាក់ដែលពេលនេះមានអាយុ ៤៨ ឆ្នាំ ឈ្មោះ Monica អស់រយៈពេល ១៩ ឆ្នាំ មកហើយ តែទើបពេលនេះ គាត់បានរកឃើញប្រពន្ធខ្លួនក៏ជាបុរសដែល ដែលបានកំពុងកុហកគាត់រហូតមកទល់ពេលនេះ ។ ឥឡូវនេះ គាត់កំពុងស្វែងរកការរំលាយចំណងអាពាហ៍ពិពាហ៍នេះ ។
Jan និង Monica បានរៀបការនឹងគ្នានៅក្នុងឆ្នាំ ១៩៩៣ ។
Jan បាននិយាយថា ជីវិតប្តីប្រពន្ធរបស់ពួកគាត់ទាំងពីរ រស់នៅធម្មតាអស់រយៈពេល ១៩ ឆ្នាំ ហើយពួកគាត់បានសម្រេចជ្រើសរើសពុំមានកូនចៅទេ ព្រោះ Jan មានកូន២នាក់រួចហើយ ជាមួយប្រពន្ធដើមមុន ។
ទោះយ៉ាងណា ក្នុងរយៈពេលចុងក្រោយនេះ Jan បានប្រឈមមុខនឹងប្រពន្ធ (ខ្ទើយ) នេះ ដោយឈានផ្ទះអំពើហិង្សា លេចឮដល់ប៉ូលីសមកជួយអន្តរាគមន៍ ។
Jan បានបន្តនិយាយថា៖ «មិត្តភក្តិម្នាក់បានប្រាប់ខ្ញុំថា គាត់បានលឺថា Monica គឺជាមនុស្សប្រុសប្តូរភេទ ។ ទោះយ៉ាងណា ខ្ញុំពុំជឿពាក្យនេះទេ សូម្បីតែកូនប្រុសរបស់ខ្ញុំក៏លឺពាក្យចចាមអារាមស្រដៀងគ្នានេះក៏ដោយ» ។
«ខ្ញុំបានរុញនាងផ្ទប់នឹងជញ្ជាំង និងនិយាយថា ឥឡូវនេះ ខ្ញុំបានដឹងការពិតអស់ហើយ ។ តើអ្នកជាមនុស្សប្រុសមែនទេ? នាងបន្ទាប់មក បាននិយាយថា នាងបានកើតមកជាប្រុស ហើយថា នាងបានវះកាត់ប្តូរភេទ ។ ឥឡូវនេះ នាងជាមនុស្សស្រីម្នាក់ទៅហើយ ហេតុដូច្នេះ នាងពុំត្រូវការប្រាប់ខ្ញុំអំពីរឿងអតីតកាលរបស់នាងទេ ។ លឺដូច្នេះ ខ្ញុំស្ទើរគាំងបេះដូងស្លាប់តែម្តង!!» ។
Jan បានប្រាប់កាសែត Het Nieuwsblad ថា៖ «ខ្ញុំមានអារម្មណ៍ថា ខ្ញុំត្រូវបានរំលោភបំពាន» ។
Jan ឥឡូវនេះកំពុងទទួលការព្យាបាលផ្លូវចិត្តដោយសារតែខូចចិត្តក្នុងរឿងអាស្រូវរបស់ប្រពន្ធគាត់។ កិច្ចដំណើរការផ្លូវច្បាប់ ចំពោះចំណងអាពាហ៍ពិពាហ៍នេះត្រូវបានប្រកាសទុកជាមោឃៈ ។ ទោះជាយ៉ាងណាតុលាការប៊ែលហ្សិក បានបដិសេធមិនអនុញ្ញាតឱ្យ Jan បណ្តេញ Monica ចេញពីផ្ទះឡើយ ៕ ចន្ទី