កងទ័ពកូរ៉េខាងត្បូងកំពុងមានផែនការអភិវឌ្ឍន៍កាំជ្រួចដីទល់ដីខ្លាំងបំផុតពុំធ្លាប់មាន ក្នុងស្ថានការណ៍ប្រឈមមុខនឹងហានិយភ័យផ្ទុះសង្គ្រាមជាមួយកូរ៉េខាងជើង។
គេហទំព័រយោធា Defense Tech ឲ្យដឹងថា កាំជ្រួចថ្មីដែលមានឈ្មោះ Hyunmoo IV ត្រូវបានផលិតឡើងដោយផ្អែកតាមគំរូប្លង់នៃកាំជ្រួច២បែបដូចគ្នានោះ។
ប្រភពដដែលឲ្យដឹងបន្ថែមថា ប្រធានាធិបតីអាមេរិក Donald Trump និងសហភាគី Moon Jae-in កាលពីថ្ងៃ៤ ខែកញ្ញា បានឯកភាពជាគោលការណ៍ចំពោះការលុបចោលបទកំណត់ចំពោះកម្មវិធីកាំជ្រួចរបស់ក្រុងសេអ៊ូល ហើយអនុញ្ញាតឲ្យប្រទេសនេះអាចផលិតកាំជ្រួចថ្មីមានរយៈចម្ងាយបាញ់ឆ្ងាយនិងមានសមត្ថភាពបំពាក់ក្បាលគ្រាប់ដែលមានទម្ងន់ទ្វេដង។ ក្នុងរបាយការណ៍មួយរបស់យោធាកូរ៉េខាងត្បូងដែលផ្ញើឲ្យតំណាងរាស្ត្រប្រទេសនេះនាសប្តាហ៍មុនបានលើកឡើងច្បាស់ថា ៖ “យើងខ្ញុំបានប្រើប្រាស់កាំជ្រួច ៣ប្រភេទនេះ ប្រៀបដូចជាការវាយសង្គ្រប់ដោយកាំជ្រួច។ ក្រោយមកយើងខ្ញុំនឹងប្រមូលផ្តុំប្រើប្រាស់វាក្នុងដំណាក់កាលដំបូង នៃការធ្វើសង្គ្រាមដើម្បីកំទេចបណ្តាអង្គភាពកាំភ្លើងធំរយៈចម្ងាយឆ្ងាយក៏ដូចជាបណ្តាទម្រកាំជ្រួចស្ថិតក្នុងតំបន់បាញ់បង្ហោះកាំជ្រួចអន្តរទ្វីបរបស់កូរ៉េខាងជើង”។
គួររំលឹកថា មុននោះនៅឆ្នាំ២០១២ ក្នុងសន្ធិសញ្ញាទ្វេភាគីអាមេរិកនឹងកូរ៉េខាងជើងបានកំណត់ឲ្យកូរ៉េខាងត្បូងផលិតកាំជ្រួចមានរយៈចម្ងាយមិនលើសពី៨០០គីឡូម៉ែត្រ ហើយទម្ងន់ក្បាលគ្រាប់មិនលើស ៥០០គីឡូក្រាម៕ ដោយ ៖ សូយន
