ភ្នំពេញ ៖ ឯកឧត្តម សោម ពិសិដ្ឋ អភិបាលខេត្តកែប បានថ្លែងសារលើផេកហ្វេសប៊ុកនៅថ្ងៃសៅរ៍នេះថា “មានអ្នកនយោបាយរត់ចោលស្រុកខ្លះខិតខំត្រដរខ្យល់ទាមទារឲ្យកំណត់អាយុ ឬអាណត្តិនាយករដ្ឋមន្រ្តីនៅកម្ពុជា ។ យើងសូមបញ្ជាក់ថាលោកតា ចូ បៃដិន ប្រធានាធិបតីអាមេរិក អាយុ ៧៩ ឆ្នាំ ហើយអត់ទាន់ចូលនិវត្តន៍ទេ ហើយនៅប្រទេសដែលអួតថាបិតាប្រជាធិបតេយ្យមួយនេះក៏គ្មានច្បាប់ណាហាមអ្នកដឹកនាំវ័យលើ ៧០ ឆ្នាំ ឲ្យចូលនិវត្តន៍ដែរ “។
![](https://cen.com.kh/wp-content/uploads/2021/10/photo_2021-10-09_10-43-22-2-682x1024.jpg)
ឯកឧត្តម សោម ពិសិដ្ឋ បានបន្តថា ចំណែក អាណត្តិនាយករដ្ឋមន្ត្រី ប្រធានាធិបតី អធិការបតី ឫ មេដឹកនាំប្រទេសនានានៅលើពិភពលោកនេះ មិនបានកំណត់ដូចគ្នាទេ គឺ អាស្រ័យទៅលើប្រទេសនីមួយៗជាអ្នកកំណត់តែប៉ុណ្ណោះ ។ នៅប្រទេសខ្លះ គេកំណត់ ២ អាណត្តិ ៨ ឆ្នាំ ទៅ ១០ ឆ្នាំ នៅប្រទេសខ្លះអត់កំណត់ទេ ឲ្យតែប្រជាពលរដ្ឋបោះឆ្នោតគាំទ្រ ទោះបីដឹកនាំកាន់អំណាចប៉ុន្មាន អាណត្តិក៏បានដែរ ។
ជាក់ស្តែងនៅសហព័ន្ធរុស្ស៊ី លោក វ្លាឌីមៀ ពូទីន ជាប្រធានាធិបតីរុស្ស៊ី ៤-៥ អាណត្តិមកហើយ ។ ចំណែកលោកស្រី អាំងជេឡា ម៉ាកែល អធិការបតី អាល្លឺម៉ង់ ក៏ដឹកនាំ ៤-៥ អាណត្តិដែររហូតមកដល់បច្ចុប្បន្ន ។ ដូច្នេះការកំណត់អាយុ ឬ កំណត់អាណត្តិមេដឹកនាំនៃប្រទេសនីមួយៗនៅជុំវិញពិភពលោកមិនដូចគ្នាទេ។ សូមអ្នកនយោបាយរត់ចោលស្រុកឈប់រវើរវាយទៀតទៅ៕ រក្សាសិទ្ធិដោយ ៖ កូលាប
![](https://cen.com.kh/wp-content/uploads/2021/10/photo_2021-10-09_10-41-33-2-563x1024.jpg)
![](https://cen.com.kh/wp-content/uploads/2021/10/photo_2021-10-09_10-41-33-682x1024.jpg)
![](https://cen.com.kh/wp-content/uploads/2021/10/photo_2021-10-09_10-43-22-1024x683.jpg)