ហេតុការណ៍កើតឡើងក្នុងពិធីបុណ្យមួយដែលមនុស្សមួយចំនួនកំពុងរាំរែក ។ នារីសក់ពណ៌ត្នោតម្នាក់ ដៃម្ខាងកាន់កែវទឹក និងដៃម្ខាងទៀតដង selfie ដើម្បីថត ស្រាប់តែផ្តិតបាន”កាយវិការចម្លែក” របស់បុរសម្នាក់នៅក្បែរនោះ ។ បុរសម្នាក់បានចូលមកកៀកនាងពីខាងក្រោយ ហើយពុំបានចាប់អារម្មណ៍ថានាងកំពុងថតឃ្លីប ទើបបុរសចម្លែកម្នាក់នេះ បានទម្លាក់របស់ចម្លែកដែលគេសង្ស័យថា ជាថ្នាំទៅក្នុងកែវភេសជ្ជៈរបស់នាង ។
ឃ្លីបនេះត្រូវបានបង្ហោះលើគណនីឈ្មោះ Jaeda Sky ដែលមិត្តស្រីរួមថតឃ្លីបជាមួយនាងជាអ្នកបង្ហោះ ហើយសរសេរថា ពិតជាយល់ន័យបានថា ហេតុអ្វីបុរសម្នាក់ស្លៀកពាក់ស្អាតបាតបែរជាលេងល្បែង គួរឲ្យខ្ពើមរអើមបែបនេះ ។ មិត្តនារីទាំងឡាយចូរប្រយ័ត្នកែវរបស់ខ្លួនណា! ។
Jaeda Sky ក៏បានបញ្ជាក់បន្ថែមថា មិត្តស្រីរបស់នាងបានដឹងថា មានគេដាក់ថ្នាំនៅក្នុងកែវរបស់ខ្លួន ហេតុនេះពុំមានបញ្ហាអ្វីទេ ។ តាមរយៈឃ្លីបនេះធ្វើឲ្យមនុស្សជាច្រើនបានទស្សនាពិតជាមានការភ័យខ្លាច ។ មនុស្សម្នាក់ Comment ថា ៖ កែវយើងកាន់នៅដៃរបស់យើងសោះក៏ពុំមានសុវត្ថិភាពដែរ ៕ ចន្ទ្រា