កិច្ចការសាហាយស្មន់ ដែលបង្កជាភ្លើងប្រចណ្ឌ ហាក់ដូចជារឿងធម្មតាទៅហើយនាពេលបច្ចុប្បន្ននេះ ។ ហើយលទ្ធផលរបស់វា គេងតែងឃើញខាងតួស្រីរងការផ្តល់មេរៀនយ៉ាងចាស់ដៃ ពីសំណាក់ស្រ្តីជាប្រពន្ធដើម ។
ជាក់ស្តែង ថ្មីៗនេះ ភ្លើងប្រចណ្ឌដ៏កម្ររបស់ស្ត្រីម្នាក់ បានធ្វើឲ្យបងស្រីរបស់នាង រងភាពអាម៉ាស់យ៉ាងខ្លាំង បន្ទាប់ពីនាងបានតាមទាន់ បងស្រីរូបនោះកំពុងសម្ងំបង្កាត់ភ្លើងស្នេហ៍ដ៏រោលរាលជាមួយប្តីរបស់នាង នៅក្នុងសណ្ឋាគារមួយកន្លែង ក្នុងទីក្រុងហាណូយ ។
យោងតាមប្រភពព័ត៌មានបានឲ្យដឹងថា ស្ត្រីម្នាក់ដែលត្រូវបានគេជឿថាជា «ស្រីស្អាត Bigo» មុនពេលកើតមានរឿងដ៏អាម៉ាស់នេះឡើង នាងបានលួចទាក់ទងស្នេហាជាមួយប្តីរបស់ប្អូនស្រីនាង ។ ប៉ុន្តែ សំណាងអាក្រក់ ពួកគេត្រូវបានតាមទាន់ ខណៈកំពុងរួមមេត្រីគ្នានៅក្នុងសណ្ឋាគារមួយ ក្បែរផ្ទះរបស់ពួកគេ ។
ពេលឃើញទិដ្ឋភាពបែបនេះនៅចំពោះមុខភ្លាម ស្ត្រីជាប្អូនស្លុតចិត្តស្ទើរគាំងបេះដូងស្លាប់តែម្តង ។ ហើយជាមួយកំហឹងដ៏ខ្លាំងក្លារបស់នាងៗ បានយកកន្ត្រៃចាប់កាត់សក់បងស្រីថ្លើមពាសមេឃនេះយ៉ាងសាហាវ និងថតរូបបង្ហោះឡើងបណ្តាញសង្គមឲ្យរងភាពអាម៉ាស់ទៀតផង ។
ចំណែកប្តីរបស់នាង ដែលពុំមានការទទួលខុសត្រូវ ត្រូវបានគេជឿថាបានរត់គេចខ្លួនបាត់ស្រមោល ព្រោះពុំចង់រងភាពអាម៉ាស់ និងប្រឈមមុខជាមួយប្រពន្ធ ៕ ចន្ទី
