ភ្នំពេញ ៖ តុលាការឧទ្ធរណ៍ រាជធានីភ្នំពេញ កាលពីព្រឹកថ្ងៃទី ២៣ ខែ វិច្ឆិកា ឆ្នាំ ២០២១នេះ បានប្រកាសសាលដីកា និងបានបន្ធូរបន្ថយទោស ជនជាប់ចោទជនជនជាតិម្នាក់ ពីជាប់គុក ៣ ឆ្នាំ ៦ខែមកនៅត្រឹម ២ ឆ្នាំ វិញ ជាប់ពាក់ព័ន្ធ ករណី រក្សាទុក និង ជួញដូរគ្រឿងញៀនទម្ងន់ជាង៣ក្រាម ប្រព្រឹត្ត នៅក្នុងរាជធានីភ្នំពេញ កាលពីអំឡុងឆ្នាំ ២០២០។
លោក ស៊ិន វិសាល ជាប្រធានចៅក្រមជំនុំជម្រះ បានឲ្យដឹងថា ជនជាប់ចោទជនជាតិចិនរូបនេះ មាន ឈ្មោះ ចាំង ហ្វង់ ភេទប្រុស អាយុ ២៩ ឆ្នាំ មុខរបរ មិនពិតប្រាដក ។
ជនជាប់ចោទ ត្រូវបានសាលាដំបូងរាជធានីភ្នំពេញ កាលពីឆ្នាំ ២០២០ សម្រេចផ្តន្ទាទោស ដាក់ពន្ធនាគារ កំណត់ ៣ ឆ្នាំ ៦ ខែ ពីបទ “រក្សាទុក និង ជួញដូរដោយខុសច្បាប់ នូវសារធាតុញៀន” តាមបញ្ញតិ្ត មាត្រា ៤០ នៃ ច្បាប់ស្តីពីការត្រួតពិនិត្យគ្រឿងញៀន។
តែគាត់ប្តឹងជំទាស់មកកាន់ សាលាឧទ្ធរណ៍ រាជធានីភ្នំពេញ ។
ជនជាប់ចោទ ឈ្មោះ ចាំង ហ្វង់ ត្រូវបានសមត្ថកិច្ចចាប់ឃាត់ខ្លួន កាលពីថ្ងៃទី ១៨ ខែ កក្កដា ឆ្នាំ ២០២០ នៅក្នុងសង្កាត់ជ័យជំនះ, ខណ្ឌដូនពេញ ,រាជធានីភ្នំពេញ។
សមត្ថកិច្ចនគរបាលរឹបអូសបាន គ្រឿងញៀនចំនួន ៤កញ្ចប់ មានទម្ងន់ សរុប ៣, ៣១ ក្រាម៕ រក្សាសិទ្ធិដោយ ៖ ចន្ទា ភា