បុរសជនជាតិអង់គ្លេសវ័យពាក់កណ្តាលអាយុមួយក្រុម ត្រូវបានរកឃើញនៅជាមួយស្ត្រីវ័យៗក្មេងជនជាតិថៃ នៅពេលដែលប៉ូលីសបានធ្វើការឆ្មក់ចូលបន្ទប់ពិធីជប់លៀងដ៏គគ្រឹកគគ្រេងខុសច្បាប់របស់ពួកគេ នៅក្នុងសណ្ឋាគារមួយកន្លែង ស្ថិតក្នុងទីក្រុង Pattaya ប្រទេសថៃ ។
បណ្តារូបភាពពីសណ្ឋាគារ Tulip ក្នុងទីក្រុង Pattaya ដែលត្រូវបានចាត់ទុកថាជាទីក្រុងពិភពផ្លូវភេទ បានបង្ហាញឲ្យឃើញបុរសជនបរទេស ១៨ នាក់ មកពីជុំវិញពិភពលោក ដែលគ្របដណ្តប់ដោយកន្សែងពោះគោពណ៌ស កាលពីថ្ងៃសៅរ៍ ។
លោក Naris Niwapantawong ស្នងការស្រុកនៅតំបន់ Banglamung នៃទីក្រុង Pattaya បាននិយាយថា «យើងខ្ញុំបានទទួលពាក្យបណ្តឹងអំពីសណ្ឋាគារ Tulip ។ យើងត្រូវបានគេប្រាប់ថា មានជនបរទេស១ក្រុម បានកំពុងរៀបចំពិធីសប្បាយផ្លូវភេទដ៏ធំមួយនៅចុងសប្តាហ៍។ ទីកន្លែនេះកំពុងរៀបចំពិធីជប់លៀងសម្រាប់អ្នកដែលចូលចិត្តការរួមភេទ ដែលពាក់ព័ន្ធនឹងការដោះដូរដៃគូ ។ ដើម្បីចូលរួមព្រឹត្តិការណ៍នេះ អ្នកចូលរួមត្រូវចុះឈ្មោះតាមរយៈគេហទំព័រមួយ ។ មានច្បាប់មួយដែលសមាជិកនៃពិធីនេះ ត្រូវតែជាគូរវាងបុរស និងស្រី» ។
លោកបាននិយាយថា តម្លៃក្នុង១យប់ ១,៥០០ បាត (ប្រហែល ៥០ ដុល្លារ) ក្នុង១នាក់ ។ ម្ចាស់សណ្ឋាគារឈ្មោះ Sheng Liao Yang អាយុ ៥៣ ឆ្នាំ មកពីប្រទេសចិន ត្រូវបានចាប់ខ្លួនពីបទសង្ស័យថា កំពុងបើកដំណើរការសណ្ឋាគារ ដោយគ្មានអាជ្ញាប័ណ្ណ និងទទួលសេវាសម្រាប់កម្មពិធីជប់លៀងសិចខុសច្បាប់បែបនេះ ។
សណ្ឋាគារ Tulip នេះមានបន្ទប់ ៣០ នៅលើជាន់ចំនួន៤ផ្សេងៗគ្នា ។ វាត្រូវបានបំបែកទៅជាតំបន់ជាច្រើន ដោយក្នុងនោះជាន់មួយត្រូវបានរៀបចំធ្វើជា «កន្លែងសប្បាយ» ។
ក្រៅពីនេះ រូបភាពក៏បានបង្ហាញឲ្យឃើញស្រោមអនាម័យ, ទឹករំអិល និងឧបករណ៍ជំនួយផ្លូវភេទ នៅពាសពេញក្នុងបន្ទប់អគារ ដែលត្រូវបានសមត្ថកិច្ចប្រមូលធ្វើជាភស្តុតាង ។
សូមបញ្ជាក់ថា បុរសអង់គ្លេសទាំងនោះ ក៏ត្រូវបានអមសកម្មភាពដោយអ្នកចូលរួមមានដូចជា៖ ជនជាតិអាមេរិកាំង, អាល្លឺម៉ង់, កាណដា, អូស្ត្រាលី, រុស្ស៊ី, ម៉ាឡេស៊ី និងចិន ដែលពួកគេទាំងអស់ត្រូវបានឃាត់ខ្លួនមកសួរនាំ និងដោះលែងទៅវិញផងដែរ ៕ ចន្ទី
