ខេត្តព្រះសីហនុ ៖ នៅយប់ថ្ងៃសុក្រ ទី៣១ ខែធ្នូ ឆ្នាំ២០២១ ដោយមានការដឹកនាំបញ្ជារ ពីសំណាក់លោកឧត្តមសេនីយ៍ទោ ជួន ណារិន្ទ ស្នងការនគរបាលខេត្តព្រះសីហនុ កម្លាំងអន្តរាគមន៍ពិសេស កម្លាំងការិយាល័យចរាចរណ៍ផ្លូវគោក របស់ស្នងការដ្ឋាននគរបាលខេត្ត ល្បាតពេលយប់ ក្នុងភូមិសាស្រ្តស្មុគស្មាញ និងតាមឆ្នេរ ក្នុងខេត្តព្រះសីហនុ ដើម្បីការពារ ប្រជាពលរដ្ឋ និងភ្ញៀវទេសចរណ៍ជាតិ និងអន្តរជាតិ ដែលមកលេងកម្សាន្ត ។
សូមបញ្ជាក់ថា នៅយប់ថ្ងៃទី៣១ ធ្នូ មានភ្ញៀវទេសចរណ៍ចម្រុះជាតិសាសន៍ ជាង៥ម៉ឺននាក់ បានមកសំរាកកំសាន្តនៅខេត្តព្រះសីហនុ ក្នុងឱកាសបុណ្យឆ្លងឆ្នាំ ខេត្តព្រះសីហនុ កើនឡើង៤៣,០៦% ៖ – ភ្ញៀវជាតិ ៤៩.០៣៥នាក់ កើនឡើង ៣៨,៩៩% , – ភ្ញៀវបរទេស៣.៦៨២ កើនឡើង១៣៤,៥២% ,
- ពុំមានភ្ញៀវចូលតាមព្រលានយន្ត ហោះអន្តរជាតិក្រុងព្រះសីហនុ ទេ។
- ភ្ញៀវទេសចរណ៍ទៅកម្សាន្តតាមកោះ មាន ៖ ចំនួន ២ ១៤៩នាក់ កើនឡើង០,៤៥%
•ភ្ញៀវជាតិ១,៩៧៣នាក់ កើនឡើង៦,៦៤% , •ភ្ញៀវបរទេស១៧៦នាក់ ថយចុះ៣៧,៨០៕ រក្សាសិទ្ធិដោយ ៖ សុទ្ធ លី