ថ្មីៗនេះ វីដេអូមួយបានកំពុងល្បីពេញបណ្តាញសង្គម Facebook ដែលបង្ហាញអ្នកដឹកជញ្ជូនអាហារ Foodpanda ម្នាក់ នៅក្នុងប្រទេសម៉ាឡេស៊ី ធ្វើរឿងដ៏ចម្លែក ដោយអាចដឹកម៉ូតូ១គ្រឿងយ៉ាងសង្ហា ធ្វើឲ្យមនុស្សម្នាភ្ញាក់ផ្អើលពេញផ្លូវតែម្តង។
ចំណងជើងនៃវីដេអូខាងលើ បានសរសេរគួរឲ្យអស់សំណើចថា “មិនមែនអាហារតែមួយមុខដែលអ្នកដឹក Foodpanda អាចធ្វើបានទេ… តែសូម្បី១ម៉ូតូគ្រឿងក៏អាចដឹកស៊ីផុយដែរ សូមសរសើរហើយ Bro»។
តែទោះជាយ៉ាងណា ជាមួយសកម្មភាពដ៏គ្រោះថ្នាក់នេះ ត្រូវបានមហាជនជាច្រើនមិនគាំទ្រនោះទេ ដោយគេបានលើកថា ទោះបីគាត់ជិះម៉ូតូក្នុងល្បឿនយឺតក៏ដោយ តែយានជំនិះជុំវិញគាត់ គឺត្រូវតែរក្សាគម្លាតឆ្ងាយ ព្រោះមិនត្រឹមមានគ្រោះថ្នាក់តែគាត់ប៉ុណ្ណោះទេ តែថែមទាំងអាចបង្កគ្រោះថ្នាក់ដល់គេឯគ្រប់គ្នាទៀតផង!។
ជាក់ស្តែង អ្នកលេងបណ្តាញសង្គម បាន comment សម្តែងការហួសចិត្តបែបនេះថា៖ «យើងអាចបញ្ជាទិញម៉ូតូតាមរយៈ Foodpanda ឥឡូវនេះបាន, ឥឡូវនេះអាចដឹកជញ្ជូនម៉ូតូបាន ក្រៅពីការផ្តល់អាហារ,…»៕ រក្សាសិទ្ធិដោយ៖ លឹម ហុង
