សៀមរាប ៖ កំលាំងកងរាជអាវុធហត្ថ ចាប់ បានឃាតករ ចាក់សម្លាប់ថៅកែ លក់គ្រឿងបន្លាស់រថយន្ត ម្នាក់នៅខេត្តសៀមរាប កាលពីល្ងាចថ្ងៃទី២៥ ខែមេសា ឆ្នាំ២០១៨ នៅចំណុចក្បែររង្វង់មូលភូមិព្រៃគុយ ឃុំអំពិល ស្រុកប្រាសាទបាគង។
សមត្ថកិច្ចបានឲ្យដឹងថា ជនសង្ស័យ មានឈ្មោះព្រហ្ម សុព្រឹក្ស ហៅថាន ភេទប្រុស អាយុ២៨ឆ្នាំមានមុខរបរ គួជេរដីមានទីលំនៅភូមិចាន់ស ឃុំចាន់ស ស្រុកសូទ្រនិគម ខេត្តសៀមរាប។ ប៉ុន្តែ សមត្ថកិច្ចនៅមិនទាន់បង្ហាញថា ការចាក់សម្លាប់ជនរងគ្រោះ ផ្តើមចេញពីបញ្ហាអ្វីនោះទេ។
សូមរំលឹកថា បុរស ម្នាក់ ត្រូវឃាតករចាក់សម្លាប់ដោយកាំបិតចុងស្រួច នាអំឡុងម៉ោងជាង9យប់ថ្ងៃទី២៣ ខែមេសា ឆ្នាំ២០១៨ ហើយទើបភ្ញាក់ផ្អើលនាម៉ោងជាង៧ព្រឹក ថ្ងៃទី២៤ខែ មេសា ឆ្នាំ២០១។ជនរងគ្រោះមាន ឈ្មោះពិត បារាំង អាយុ៤៥ឆ្នាំ រស់នៅផ្ទះកើតហេតុ ស្ថិតក្នុងភូមិគ្រួសសង្កាត់ស្វាយដង្គុំ ក្រុងសៀមរាប ត្រង់ចំណុចខាងត្បូងស្តុបសណ្ឋាគារស៊ីធីអង្គរ៕ ដោយ ៖ បញ្ញាស័ក្តិ
