កន្លងទៅនេះ មានករណីជាច្រើនដែលរថយន្តលំដាប់ VIP និងក៏ដូចរដ្ឋមន្រ្តី នៅក្នុងប្រទេសឥណ្ឌូណេស៊ី ត្រូវបានគេមើលឃើញថា ជារឿយៗតែងតែបានធ្វើឲ្យរថយន្តសង្គ្រោះបន្ទាន់ឈប់ ព្រោះតែដើម្បីក្បួនរថយន្តរបស់ពួកគេឆ្លងកាត់ទៅមុន។ តែឥឡូវនេះ វាហាក់ដូចជាប្រធានាធិបតីឥណ្ឌូណេស៊ី Joko “Jokowi” Widodo កំពុងបង្ហាញនូវទង្វើដ៏គំរូ ឆ្លើយតបចំពោះអ្វីៗដែលបានកំពុងធ្លាក់ចុះ។
ជាក់ស្តែង តាមរយៈវីដេអូមួយ កំពុងរីករាលដាលនៅលើអុិនធឺណិត បានបង្ហាញឲ្យឃើញនាយករដ្ឋមន្រ្តីឥណ្ឌូណេស៊ី ផ្តល់ផ្លូវអាទិភាពចំពោះរថយន្តសង្គ្រោះបន្ទាន់ ខណៈក្បួនរថយន្តរបស់លោក កំពុងឆ្ពោះទៅកាន់ទីកន្លែងចាក់វ៉ាក់សាំង សម្រាប់កុមារដែលមានអាយុចាប់ពី ៦ ទៅ ១១ ឆ្នាំ។
ក្នុងវីដេអូ ដែលត្រូវបានថតដោយអ្នកដំណើរនៅក្នុងរថយន្តសង្គ្រោះបន្ទាន់ គឺបានបង្ហាញមន្រ្តីប៉ូលីសបើកម៉ូតូ នៅខាងមុខក្បួនរថយន្ត អាចត្រូវបានឃើញកំពុងគ្រវីដៃទៅកាន់រថយន្តសង្គ្រោះបន្ទាន់ ដើម្បីផ្តល់ផ្លូវដល់ពួកគេ។
បន្ទាប់មក រថយន្តសង្គ្រោះបន្ទាន់ បានបន្តដំណើរទៅមុខ ខណៈក្បួនរថយន្តនាយករដ្ឋមន្រ្តីអាចត្រូវបានឃើញឈប់នៅអែបផ្លូវម្ខាង ដើម្បីឲ្យពួកគេឆ្លងកាត់។
តាំងពីពេលនោះមក អ្នកបើកបររថយន្តសង្គ្រោះ បានចែករំលែកវីដេអូនេះ និងបាននិយាយថា គាត់ពិតជាស្រឡាំងកាំង ចំពោះទង្វើរបស់ប្រធានាធិបតីរបស់ពួកគេ។ ក្នុងនោះគាត់បាននិយាយថា “ខ្ញុំមិនបានរំពឹងទុកទេ! ដំបូងឡើយ ខ្ញុំគិតថានឹងលះបង់ផ្លូវ ប៉ុន្តែ ការគិតរបស់ខ្ញុំបានទៅលើអ្នកជំងឺដែលកំពុងស្ថិតក្នុងស្ថានភាពសង្គ្រោះបន្ទាន់»។
ក្រោយបានឃើញបែបនេះ អ្នកលេងអ៊ីនធឺណិតឥណ្ឌូនេស៊ីបានសម្តែងការកោតសរសើរ ចំពោះប្រធានាធិបតីរបស់ពួកគេយ៉ាងខ្លាំង៕ រក្សាសិទ្ធិដោយ៖ លឹម ហុង
