គំរូវត្ថុតាងដែលប៉ូលិសរឹបអូសបានដាក់តាំងបង្ហាញក្នុងសន្និសីទកាសែត នៅល្ងាចថ្ងៃទី ២៦ ខែមេសា គណៈកម្មាធិការប្រជាជន និងមន្ទីរនគរបាលខេត្តដាក់ណុង បានធ្វើសន្និសីទកាសែតទាក់ទងដល់ករណីកាហ្វេថ្មពិល។
នគរបាលខេត្តឲ្យដឹងថា ពួកគេបានចាប់ខ្លួនមនុស្ស ៥នាក់ ដែលទាក់ទិនដល់ករណីនេះ ។
រំលឹកឡើងវិញថា នៅថ្ងៃ ១៥ ខែមេសា សមត្ថកិច្ចបានឆែកឆេរកន្លែងប្រមូលទិញកសិផលរបស់ជនល្មើសនៅភូមិ Dak Wer ហើយចាប់បានសារធាតុចម្រុះរួមមានសំបកកាហ្វេ គ្រោះថ្មល្អិតៗទំហំពី 2-3mm ម្សៅថ្មពិលនិងទឹកលាយបញ្ចូលគ្នា។ សមត្ថកិច្ចក៏នៅបានរឹបអូសសារធាតុចម្រុះដែលបានសម្ងួតចំនួន២១តោន ដែលបានច្រកបាវរួមជាមួយក្រួសថ្មល្អិតៗច្រើនតោនផ្សេងទៀត និងសារធាតុរាវ ព្រមទាំងស្នូលថ្មពិល ។ ល។
មេក្លោងឈ្មោះ Loam បានសារភាពថា ផលិតផលដែលលាយបញ្ចូលគ្នាដូចពោលខាងលើ ត្រូវបានលក់ឲ្យមុខសញ្ញាម្នាក់ទៀតឈ្មោះ Dung ដើម្បីយកទៅចំនួន ៣តោន ហើយឈ្មោះនេះបានយកទៅលាយជាមួយម្រេច ក្នុងសមាមាត្រប្រមាណ ១៨,៣៤% បង្កើតទៅជាម្រេចបានចំនួន ៩តោន ។ សមត្ថកិច្ចក៏បានឃាត់ទុកម្រេចទាំង៩តោននោះ ដោយវាពុំទាន់បញ្ចេញលក់នៅលើទីផ្សារទេ លោក Ngo Xuan Loc បានប្រកាសថា សារធាតុលាយខាងលើ ពុំសម្រាប់យកមកលាយបន្លំនឹងកាហ្វេទេ ។ បច្ចុប្បន្នសាលាខេត្តនឹងបន្តប្រមែប្រមូលរបាយការណ៍ដើម្បីរាយការណ៍ជូនថ្នាក់លើ ៕ សូយន
