មហាជនបានស្គាល់រួចហើយ លោក អេឡិច ចាន់ត្រា ជាតារាសម្តែង និងចម្រៀងដ៏ល្បីឈ្មោះម្នាក់។ ហើយពិតណាស់ បច្ចុប្បន្ននេះ គេសង្កេតឃើញថា លោកហាក់មានការមមាញឹកខ្លាំងជាមួយការងារសិល្បៈ ជាពិសេសគឺចេញច្រៀងក្នុងកម្មពិធីមង្គលការ ដែលសឹងតែរកពេលសម្រាកគ្មាន។
តែដោយឡែក កាលពីព្រឹកមិញនេះ(ថ្ងៃទី១៣ ខែមករា ឆ្នាំ២០២២) មហាជនពិតជាមានការភ្ញាក់ផ្អើល និងរន្ធត់ចិត្តជាខ្លាំង បន្ទាប់ពីឃើញ អេឡិច ចាន់ត្រា បានបង្ហោះវីដេអូបង្ហាញពីខណៈពេលខ្លួនកំពុងស្ថិតក្នុងសភាពងងិតមុខខ្លាំង និងត្រូវការជំនួយប្រេងខ្យល់ជាប់ បន្ទាប់កើតអាការចង់ខ្យល់គរ សឹងតែដួលសន្លប់នៅលើឆាកតន្រ្តី តែសំណាងត្រូវបានក្រុមការងារជួយទប់ទាន់ ខណៈកំពុងច្រៀងនៅកម្មពិធីការមួយកាលពីយប់មិញ។
ទន្ទឹមនេះផងដែរ អាឡិច ចាន់ត្រា ក៏បានភ្ជាប់សារប្រាប់ទៅមហាជន និងក៏ដូចអរគុណទៅដល់ក្រុមការងារយ៉ាងដូច្នេះថា៖ «យប់មិញប៊ិះដួលលើឆាក អរគុណក្រុមការងាទាំងអស់គ្នា ដែលបានយកចិត្តទុកដាក់»។
ក្រោយពីបានឃើញវីដេអូនេះហើយ មហាជនជាអ្នកគាំទ្រ និងក៏ដូចអ្នកសិល្បៈជាច្រើន បានចូលខមិនសួរនាំពីសុខភាពរបស់លោក តើយ៉ាងណាហើយ និងព្រមទាំងជូនពរឲ្យលោកឆាប់ជាសះស្បើយ ថែខ្លួនថែសុខភាពផង៕ រក្សាសិទ្ធិដោយ៖ លឹម ហុង
