បាត់ដំបង ៖ ជនសង្ស័យម្នាក់ រួមនឹងវត្ថុតាងគ្រឿងញៀន ត្រូវបាននគរបាលស្រុកកំរៀង កំពុងកសាងសំណុំរឿងបញ្ជូន ទៅសាលាដំបូងខេត្តបាត់ដំបង ដើម្បីចាត់ការតាមផ្លូវច្បាប់ កាលពីថ្ងៃទី២៩ខែមេសាឆ្នាំ២០១៨។
នគរបាលស្រុកកំរៀង បានឲ្យដឹងថា កាលពីថ្ងៃទី ២៧ ខែមេសា ឆ្នាំ២០១៨ តាមបទបញ្ជារបស់លោកឧត្តម សេនីយ៍ទោ អ៊ុច សុខុន ស្នងការនៃស្នងការដ្ឋាន នគរបាលខេត្តបាត់ដំបងក៏ដូចមតិដឹកនាំ របស់ឧត្តមសេនីយ៍ត្រី កុយ ហៀង ស្នងការរងទទួលផែនប្រឆាំងបទល្មើស កម្លាំងនគរបាលស្រុកកំរៀងដែល មានលោកវរសេនីយ៍ទោ គឹម ពន្លក ជាអធិការ ចូលរួមដោយ មន្ត្រីនគរបាលផ្នែកជំនាញ បានធ្វើការ បង្ក្រាបករណីគ្រឿងញៀនមួយករណីក្នុងមូល ដ្ឋានឃុំ បឹរាំង ស្រុកកំរៀង ខេត្តបាត់ ដំបង ដោយធ្វើការឃាត់ខ្លួនជនសង្ស័យ ចំនួន១នាក់ ។ ដកហូតបាន ៖ គ្រឿងញៀនប្រភេទមេតំហ្វេតាមីន ( ICE)ទម្ងន់ ០១,៦២ ក្រាម ព្រមទាំងសម្ភារៈពាក់ព័ន្ធមួយចំនួនទៀត៕ ដោយ ៖ បញ្ញាស័ក្តិ
