Sunday, May 22, 2022

គួរឲ្យឈឺចាប់ណាស់! អ្នកគ្រូ​ពេទ្យ​ស្រស់​ស្អាត ត្រូ​វ​បា.ត់ប.ង់ជីវិត ខណៈ​កំពុង​ឆ្លងផ្លូវ ដោយ​សា​រប៉ូ​លី​សម្នាក់​បើក​ម៉ូតូ​ធំ​លឿន​មិន​ប្រយ័ត្ន ហើយ​បែរ​និយាយ​ថា…

ពិតជារឿងដ៏គួរឲ្យអាសូរ និងឈឺចាប់ខ្លាំងណាស់ ចំពោះអ្នកគ្រូវេជ្ជបណ្ឌិតមានរូបឆោមដ៏ស្រស់សោភាម្នាក់ ដែលបានបាត់បង់ជីវិតភ្លាមៗនៅនឹងកន្លែង នៅពេលដែលអ្នកគ្រូបានដើរឆ្លងផ្លូវជិតផុតទៅហើយ តែជាអកុសលក៏ត្រូវម៉ូតូធំ១គ្រឿងដែលបើកបរក្នុងល្បឿនយ៉ាងលឿនបុកពេញទំហឹងតែម្តង។

តាមសារព័ត៌មានមួយរបស់ថៃ បានចុះផ្សាយឲ្យដឹងថា វេជ្ជបណ្ឌិតរងគ្រោះមានឈ្មោះ Waralak Supawatchariyakul ជាគ្រូពេទ្យឯកទេសជំងឺភ្នែក ជាគ្រូពេទ្យឯកទេសជំងឺភ្នែក ​នៅ​មហាវិទ្យាល័យ​វេជ្ជសាស្ត្រ ​នៃ​សាកលវិទ្យាល័យ​ជូឡាឡុងកន បានស្លាប់ បន្ទាប់ពីបានត្រូវម៉ូតូធំ១គ្រឿងដែលបើកបរដោយប៉ូលីសវ័យក្មេងម្នាក់ ខណៈនាងកំពុងឆ្លងផ្លូវ។

ចំណែក អ្នកបើកបរបង្កឈ្មោះ Norawit Buadok ដែលត្រូវបានដឹងថាមានតួនាទីជាប្រធានកងអនុសេនាធំទី២ នៅផ្នែកការពារ និងត្រួតពិនិត្យហ្វូងមនុស្ស នៃស្នងការក្រុងបាងកក បានសារភាពថា ខ្លួនពិតជាបានបើកម៉ូតូធំបុកអ្នកគ្រូវេជ្ជបណ្ឌិត Waralak Supawatchariyakul ពិតមែន ស្ថិតនៅត្រង់ចំណុចផ្លូវបំបែកសេះបង្កង់ ទល់មុខមន្ទីរពេទ្យ Bhumirajanagarindra Kidney Institute ផ្លូវ Phayathai កាលពីវេលាម៉ោងប្រហែល ៣ រសៀល នៅថ្ងៃទី២១ ខែមករា ឆ្នាំ២០២២។

តែទោះយ៉ាងណា ប៉ូលីសរូបនេះបាននិយាយចោទប្រកាន់ថា អ្នកគ្រូពេទ្យរូបនោះ បានដើរឆ្លងផ្លូវលឿនណាស់ ហើយគាត់មើលមិនឃើញនោះទេ ខណៈ​គាត់ក៏រងរបួសដែរ។ ប៉ុន្តែ តាមរយៈវីដេអូកាមេរ៉ា CCTV បានបង្ហាញជាក់ស្តែងថា អ្នកគ្រូពេទ្យ Waralak គឺគាត់បានដើរមួយៗដោយការប្រុងប្រយ័ត្នបំផុត ខណៈរថយន្ត១គ្រឿងត្រូវបានឃើញបង្អង់ល្បឿន ឲ្យគាត់ឆ្លងកាត់ ប៉ុន្តែ ម៉ូតូប៉ូលីសនោះ បែរជាបើកចូលមកទីកន្លែងអ្នកថ្មើរជើង ក្នុងល្បឿនយ៉ាងលឿន ហើយមិនមានការប្រយ័ត្នទៀត ដែលជាហេតុបណ្តាលឲ្យកើតមានគ្រោះថ្នាក់បែបនេះតែម្តង។

មានសេចក្តីរាយការណ៍ថា នៅថ្ងៃកើតហេតុនោះ វេជ្ជបណ្ឌិត Waralak បានមកសួរសុខទុក្ខមិត្តភ័ក្តិរបស់នាង នៅមន្ទីរពេទ្យក្រលៀន ចំណែកនាងផ្ទាល់ធ្វើការនៅមន្ទីរពេទ្យ Ramathibodi។ នាងកំពុងធ្វើ​ដំណើរទៅ​ខុនដូរបស់នាង​នៅ Soi Rangnam ពេលនោះ នាងក៏ជួបគ្រោះថ្នាក់ចរាចរណ៍ដ៏អកុសលបែបនេះ ដែលគួរឲ្យស្រណោះសោកស្តាយជាខ្លាំង។

ជាមួយគ្នានេះផងដែរ លោកវរសេនីយ៍ឯក Bowonphob Sunthorn ប្រធានប៉ុស្តិ៍ប៉ូលិស Phayathai បាននិយាយថា លោក Norawit ត្រូវបានចោទប្រកាន់ពីបទបើកបរ ដោយមិនប្រុងប្រយ័ត្ន​បណ្ដាលឲ្យអ្នកដទៃ​ស្លាប់ ហើយក៏បានសារភាព​ចំពោះ​រាល់ការចោទប្រកាន់របស់ខ្លួនផងដែរ។

ដោយឡែក ឪពុករបស់នាងវិញ បានត្រូវបានដឹងថា គាត់កំពុងខូចចិត្តយ៉ាងខ្លាំង ចំពោះការបាត់បង់ជីវិតកូនស្រីរបស់គាត់ ព្រោះគាត់ទើបតែចូលនិវត្តន៍ពីអាជីពពេទ្យ ហើយមានសង្ឃឹមយ៉ាងខ្ពស់ថា កូនស្រីនឹងស្នងដើរតាមគន្លងរបស់គាត់៕ រក្សាសិទ្ធិដោយ៖ លឹម ហុង