ស្វាយរៀង ៖ មានហេតុការណ៍ភ្ញាក់ផ្អើលទាំងព្រឹកព្រលឹមដោយសារផ្ទុះហ្គាសដាំបាយទង្ងន់១០គីឡូលាន់ដូចគ្រាប់ផ្លោងបណ្តាលឆេះរោងបាយម៉ត់និងគ្រោះថ្នាក់ដល់មនុស្ស៥នាក់និងរងបួសធ្ងន់ស្រាល។ករណីនេះបានកើតឡើងនៅវេលាម៉ោង៦និង៣០នាទីព្រឹក ថ្ងៃទី៣០ ខែមេសា ឆ្នាំ២០១៨ ស្ថិតក្នុងនៅភូមិស្រែឬស្សីឃុំអំពិលស្រុករមាសហែកខេត្តស្វាយរៀង។
សមត្ថកិច្ចនគរបាលស្រុករមាសហែកបានអោយដឹងថាៈករណីផ្ទុះហ្ដាសដាំបាយមានទំងន់ ១០ គីឡូនេះបានបណ្តាលអោយឆេះរោងបាយនិងគ្រោះថ្នាក់មនុស្ស ចំនួន០៥ នាក់នេះដោយសារម្ចាស់ផ្ទះបើកហ្គាសដាំបាយពេលព្រឹកក៏ផ្ទះឆេះតែម្តងទៅ។មនុស្សដែលរងគ្រោះនៅក្នុងហេតុការណ៍នេះមានឈ្មោះដូចខាងក្រោម ៖ ១/ឈ្មោះប្រាក់ ផាត់ភេទប្រុសអាយុ៧៤ឆ្នាំ របួសធ្ងន់ ។ ២/ឈ្មោះនុត ណានភេទស្រីអាយុ៤២ ឆ្នាំ របួសធ្ងន់ ។ ៣/ឈ្មោះនុត ស៊ីណនភេទស្រីអាយុ២៧ ឆ្នាំ របួសធ្ងន់ ។ ៤/នុត នីភេទស្រីអាយុ៣០ ឆ្នាំ របួសស្រាល ។ ៥/ឈ្មោះសុខ ម៉ានីតភេទស្រីអាយុ០៦ ឆ្នាំ របួសស្រាល។
ក្នុងករណីនេះរថយន្តពន្លត់អគ្គីភ័យនៃអធិការដ្ឋាននគរបាលស្រុករមាសហែក បានទៅពន្លត់ទាន់ពេលវេលា ៕ វ៉ៃកូ