ខេត្តស្វាយរៀង ៖ មានករណីគ្រោះថ្នាក់ចរាចរណ៍រវាងម៉ូតូនិងម៉ូតូ=(បណ្តាលអោយរងរបួសស្រាល មនុស្ស ៣នាក់ ស្រី០១នាក់ ចំណែកម៉ូតូ ខូចខាត ស្រាល ០២ គ្រឿង ) កាលពីថ្ងៃអាទិត្យ ១៥កើត ខែពិសាខ ឆ្នាំចរ ព.ស២៥៦២ ត្រូវនិងថ្ងៃទី២៩ ខែ មេសា ឆ្នាំ២០១៨ វេលាម៉ោង១៦ និង៣១ នាទីនៅចំណុចលើផ្លូវជាតិលេខ១គីឡូូម៉ែត្រលេខ ១៣៥-១៣៦ ស្ថិតក្នុងភូមិប្រសូតិ១ ឃុំកណ្តៀងរាយ ស្រុកស្វាយទាប ខេត្ត ស្វាយរៀង ។
សមត្ថកិច្ចបានឱ្យដឹងថា ៖ ភាគីខាងម៉ូតូឈ្មោះ ជុត ភេទប្រុស អាយុ៥៩ ឆ្នាំ ជនជាតិខ្មែរ មុខរបរ កសិករ មានទីលំនៅ ភូមិបឹងរៃ ឃុំក្រោលគោ ស្រុកស្វាយជ្រំ ខេត្តស្វាយរៀង រងរបួសស្រាល (មិនពាក់មួកសុវត្ថភាព) បើកបរម៉ូតូម៉ាក ហុងដាឌ្រីម C125 ស៊េរី២០០៥ ពណ៌ ខ្មៅ ស្លាកលេខ កណ្ដាល១K-៣០២៧ ទិសដៅពីកើតទៅលិច ។
អ្នករួមដំណើរឈ្មោះ ណុប សៅ ភេទ ប្រុស អាយុ៤៨ ឆ្នាំមុខរបរ កសិករ ទីលំនៅភូមិគោកព្រីង ឃុំគោកព្រីង ស្រុកស្វាយជ្រំ ខេត្តស្វាយរៀង រងរបួសស្រាល(ពាក់មួកសុវត្ថិភាព)។
ប្រភពដដែលបានឱ្យដឹងទៀតថាៈភាគីខាងម៉ូតូឈ្មោះ ងិន ឆវី ភេទស្រី អាយុ ៣១ឆ្នាំ ជនជាតិខ្មែរ មុខរបរ កម្មកររោងចក្រ មានទីលំនៅ ភូមិត្រពាំងអំពិល ឃុំសំបួរ ស្រុកស្វាយទាប ខេត្តស្វាយរៀង រងរបួសស្រាល បើកបរម៉ូតូម៉ាក ហុងដាឌ្រីម ស៊េរីឆ្នាំ ២០១០ ពណ៌ខ្មៅ ស្លាកលេខ ភ្នំពេញ១AI-៨០២១ រងរបួសស្រាល (មិនពាក់មួកសុវត្ថិភាព) ទិសដៅពី កើតទៅលិច។
ចំណែកឯអ្នករងរបួសទាំងអស់ ត្រូវបានយកទៅព្យាបាលនៅមន្ទីរពេទ្យស្វាយរៀង ។ មូលហេតុ ករណីនេះអ្នកបើកបរម៉ូតូហុងដាឌ្រីមស៊េរី២០០៥ វ៉ាជែងក្នុងស្ថានភាពគ្រោះថ្នាក់។
ចំពោះមធ្យោបាយទាំង០២ត្រូវបានជំនាញយកមករក្សាទុកនៅអធិការដ្ឋាននគរបាលស្រុកនិងកសាងសំណុំរឿងតាមនីតិវិធី ៕ វ៉ៃកូ
